१६ मंसिर २०७९, शुक्रबार | December 2, 2022

सांसद सरिता गिरीलाई कारवाही गर्न राष्ट्रिय युवा संघको माग



काठमाडौं । सत्तारुढ नेपाल कम्युनिष्ट पार्टी नेकपाको युवा संगठन राष्ट्रिय युवा संघले जनता समाजवादी पार्टीका नेतृ सरिता गिरीलाई कारवाही गर्न माग गरेको छ ।

सांसद गिरीले राष्ट्रिय हीत र सीमानाको सुरक्षाको विषयमा दिएको आपत्तिजनक अभिव्यक्तिप्रति माफी माग्दै कानुनी कारवाही गर्न युवा संघले जनता समाजवादी पार्टीसँग माग गरेको हो ।

राष्ट्रिय युवा संघका अध्यक्ष रामप्रसाद सापकोटाले विज्ञप्ति जारी गरी सांसद गिरीको अभिव्यक्ति अंसवैधानिक, राष्ट्रहित प्रतिकुल एवम देशको स्वाभिमानमाथि आँच आउने अभिव्यक्ति र राष्ट्रहित विपरितको हर्कत भएको भन्दै आपत्ति र भत्र्सना गर्नुभएको छ ।

गिरीलाई संसद सदस्यवाट अविलम्व फिर्ता बोलाउन सम्बन्धित राजनीतिक दललाई युवा संघले अनुरोध गरेको छ । गिरीको अभिव्यक्तिले जनप्रतिनिधिको हैसियतले नेपाली जनताको प्रतिनिधित्व गर्ने संवैधानिक र नैतिक हैसियत निज स्वयमले च्युत गर्नु भएको युवा संघको ठहर छ ।
राष्ट्रिय युवा संघको विज्ञप्तिमा भनिएको छ, ‘नेपालको संविधानको धारा ५ बमोजिम नेपालको स्वतन्त्रता, सार्वभौमसत्ता, भौगोलिक अखण्डता, राष्ट्रिय स्वाधिनता, स्वाभिमान, नेपालीको हक हितको रक्षा, सीमानाको सुरक्षा, आर्थिक समुन्नति र समृद्धि नेपालको राष्ट्रिय हीतको आधारभूत विषय हुन् भनि संविधानले परिभाषित गरेको र धारा ४८ ले संविधानको पालना गर्ने कर्तव्य समेत तोकिदिएको तथ्य माननीय सरिता गिरिलाई स्मरण गराउन चाहान्छौं ।’

संघीय संसद सचिवालय र जनता समाजवादी पार्टीले एकहप्ताभित्र गिरी विरुद्ध आवश्यक कानूनी कारवाही अघि नबढाए गंभिरतापुर्वक लिने चेतावनी दिँदै युवा संघले त्यसको जिम्मेवार सम्बन्धित व्यक्ति र दल हुने जनाएको छ ।

युवा संघले विज्ञप्तिमा रुपन्देही, रुकुम चौरजहारी लगायतका देशका विभिन्न भागमा भएका घटनाका दोषीलाई कानुनी कारवाही गर्न पनि सरकारसँग माग गरेको छ ।

प्रकाशित मिति : २८ जेष्ठ २०७७, बुधबार  ९ : ०३ बजे

धनगढीमा जारी निषेधाज्ञा कायमै

धनगढी । कैलालीको धनगढीमा बिहीबार साँझबाट जारी निषेधाज्ञा कायमै रहेको

विद्यार्थीलाई गुन्द्री बुन्नेदेखि दुनाटपरी तयार गर्ने सीप सिकाउँदै भूपू सैनिक राइजिङ स्कुल

पाल्पा । आधुनिकताका नाममा परम्परागत गुन्द्री बुन्ने, दुनाटपरी बनाउने चलन

बाजुरामा कांग्रेसका पाण्डेको अग्रता कायमै

काठमाडौं । बाजुरामा कांग्रेस उम्मेदवार बद्री पाण्डेको अग्रता कायमै रहेको

विश्वकप फुटबल : नकआउट चरणमा जापान विजेता स्पेन उपविजेता

काठमाडौं । कतारमा जारी फिफा विश्वकप फुटवल २०२२ अन्तर्गत समूह

दोलखामा माओवादीका गंगा कार्कीलाई अग्रता

काठमाडौं । दोलखामा भैरहेको मतगणनामा नेकपा माओवादी केन्द्रका उम्मेदवार गंगा