रुपन्देही र चितवनमा ४ जना संक्रमित थपिए

बुटवल । रुपन्देही र चितवनमा थप चार जनामा कोरोना भाइरसको संक्रमण पुष्टि भएको छ ।

रुपन्देहीको रोहिणी गाउँपालिका स्थित क्वारेन्टाईनमा रहेका वडा नं १ का १९ बर्षिय र वडा नं २ का २० बर्षिय पुरूष लाई संक्रमण भएको स्वास्थ्य कार्यालय रुपन्देहीले जनाएको छ । यससंगै रूपन्देहीमा संक्रमितको संख्या १४५ पुगेको छ ।

यस्तै, भरतपुर अस्पतालको प्रयोगशालामा गरिएको परीक्षणमा चितवनका थप दुई जना पुरुषलाई कोरोना संक्रमण पुष्टि भएको छ ।

भरतपुर महानगरपालिका–५ का एक पुरुष र कालिका नगरपालिका –६ जुटपानीका एक पुरुषमा कोरोना संक्रमण देखिएको भरतपुर अस्पतालले जनाएको छ ।