काठमाडौं । सरकारले यसवर्षको एसईई परीक्षा नलिने निर्णय गरेको छ ।
कोरोना भाइरसको संक्रमणको सन्त्रासका कारण गत चैत्र ६ गतेबाट लिनुपर्ने माध्यमिक शिक्षा परीक्षा (एसईई) अब यो बर्ष नहुने भएको हो।
मन्त्रिपरिषदको बुधबार राति सम्पन्न बैठकले विद्यालयको आन्तरिक मूल्यांकनका आधारमा ग्रेड निर्धारण गरेर विद्यार्थीको मूल्यांकन गर्ने निर्णय गरेको छ ।
विद्यालयहरूलाई क्वारेन्टिन स्थल बनाएका कारण अन्य कुनै पनि विकल्पमा तत्काल परीक्षा सम्भव नभएको निस्कर्ष सरकारले निकालेको हो ।
विद्यालयहरूले कक्षा १० मा लिएको आन्तरिक विद्यालयस्तरीय परीक्षाका आधारमा दिएको मूल्यांकन राष्ट्रिय परीक्षा बोर्डमा पठाएपछि त्यसैको आधारमा बोर्डले ग्रेड निर्धारण गर्नेछ । र बोर्डले त्यसकै आधारमा परीक्षाफल सार्वजनिक गर्नेछ ।
प्रतिक्रिया