काठमाडौं । नेपालले संविधान संशोधन गरेर सीमा वार्ताको वातावरण बिगारेको भारतले आरोप लगाएको छ ।
लिम्पियाधुरा, लिपुलेक, कालापानी समेटिएको नक्साअनुसार निशान छाप परिर्वतन गर्न नेपालले शनिबार संविधान संशोधन गरेपछि भारतले प्रतिक्रिया जनाउँदै वार्ताको वातावरण बिगारेको जनाएको हो ।
भारतीय विदेश मन्त्रालयका प्रवक्ता अनुराग श्रीवास्तवले वक्तव्य जारी गर्दै नेपालको संविधान संशोधनबाट आफ्नो भूमि अतिक्रमण भएको आरोप लगाएका छन् । उनले नेपालको एकपक्षीय निर्णय मान्य नहुने बताएका छन्।
उनले भनेका छन्, ‘सीमा विवादमा वार्तामार्फत समस्याको समाधान खोज्ने हाम्रो समझदारी पनि उल्लंघन भएको छ ।’
नेपालका राजनीतिक दलहरूले सर्वसम्मत रूपमा नयाँ नक्शा समेटिएको संविधान संशोधन प्रस्तावलाई संसदबाट पारित गरेका छन् ।
प्रतिक्रिया