नवलपुरमा २ जनामा कोरोना सक्रमित थपिए, गण्डकी प्रदेशमा संक्रमितको संख्या १९९ पुग्यो

नवलपुर । नवलपुर (बर्दघाट सुस्ता पूर्व)का थप दुई जनामा कोरोना संक्रमण पुष्टि भएको छ ।

नवलपुरको देवचुली नगरपालिका स्थायी ठेगाना भई सोहि पालिकाको क्वारेन्टाइनमा रहेका वर्ष २३ र ३२ का २ जना पुरुषहरुमा कोरोना संक्रमणको पुष्टि भएको स्वास्थ्य निर्देशनालय गण्डकीले जनाएको छ ।

उनिहरुलाई नवलपुरको रजहर स्थित सामुदायिक प्राकृतिक चिकित्सालयको आईसोलेसन कक्षमा लैजाने तयारी भईरहेको छ ।

यो संगै गण्डकी प्रदेशमा कोरोना संक्रमितको संख्या १९९ पुगेको छ ।