बुटवल । प्रदेश ५ सरकारले बिदेशबाट फर्केका युवाहरुलाई सोरोजगार सृजना गर्न ५१ करोढ १४ लाख बजेट बिनियोजन गरेको छ ।
प्रदेशसभामा आज आव ०७७/७८को बजेट प्रस्तुत गर्दै आर्थिक मामिला मन्त्रालय समेत सम्हालेका मुख्यमन्त्री शंकर पोखरेलले युवाहरुलाइै कृषिमा लगाउने उद्दे्श्यले बजेट बिनियोजन गरेको बताए ।
उनले लकडाउनका बिच कृषि एम्बुलेन्स संचालन गरिएको उल्लेख गर्दै कृषिलाई बजेटमा पर्याप्त बजेट बिनियोजन गरेको बताए ।
उनले् कोरोना भाइरस नियन्त्रण गर्न प्रत्यक पालिकालाई ५, ५ लाख बिनियोजन गरेको जानकारी दिए ।
उनले प्रदेश सरकारले स्थापना गरेको कोभिड-१९ कोषमा १५ करोड ६ लाख संकलन भएको जानकारी दिंदै अहिले सम्ममा ७ कारोड ८९ लाख बिभिन्न सिर्सकमा निकासा भएको बताए । आगामी वर्षमा पनि प्रदेश सरकारले कोभिड-१९ कोषमा १० करोड बिनियोजन गरेको उनले बताए ।
प्रतिक्रिया