लकडाउन अवधिको घरभाडा कर मिनाह गर्न कपिलवस्तुका होटल व्यवसायीको आग्रह

कपिलवस्तु । कपिलवस्तुका होटल रेष्टुरेन्ट व्यवसायीहरुले लकडाउन अवधिको घरभाडा कर मिनाह गर्न आग्रह गरेका छन् ।

होटल तथा रेष्टुरेट व्यवसायी संघ कपिलवस्तुले कोभिड १९ को कारणले सबभन्दा बढी होटल तथा रेस्टुरेट व्यसायी हरु मर्कामा परेको हुदा लकडाउन अवधी भरीको को घरभाडा मिनाह तथा कर माफ गर्ने व्यवस्था गर्न आग्रह गर्दे जिल्ला प्रशासन कार्यलयमा ज्ञापनपत्र बुझाएका छन् ।

होटल व्यवसाय गर्न व्यवसायीहरुले बैक तथा वित्तीय संस्था बाट कर्जा लिएर व्यवसाय संचालन गरिएको र लकडाउनको कारण व्यवसाय सवै ठप्प भएको हुदा बैंकको मासिक किस्ता पनि तिर्न नसकेको अवस्था रहेका हुँदा सहयोग गर्न आग्रह गरेका छन्।

होटल तथा रेष्टुरेण्ट व्यवसायी संघको वैठक बसी सरकार समक्ष आवश्यक सहयोग अनुरोधको लागि ज्ञापनपत्र बुझाएको संघका अध्यक्ष गोपालबहादुर खत्रीले बताए । होटल व्यवसायलाई पहिलेको अवस्थामा फर्कन अझ ६ महिना लाग्ने हुदा ६ महिना पछि किस्ता बन्दीमा कर तिर्ने व्यवस्था मिलाइदिन व्यवस्था गरिदिन अनुरोध गरिएको खत्रीले बताए ।

यस्तै सरकारले रेष्टुरेण्टमा बसेर खान नपाइने डेलिभरीको मात्र व्यवस्था गरिएको हुँदा यसले झन समस्या उत्पन्न हुन सक्ने संघका सचिव शिवराज सापकोटाले बताए ।

दुरी कायम गर्दे सुरक्षीत तरिकाले होटल रेष्टुण्टमा खान खाने व्यवस्था मिलाइ दिन ज्ञापनपत्रद्वारा अनुरोध गरिएको सापकोटाले बताए ।

यता प्रमुख जिल्ला अधिकारी दिर्घ नारयण पौडेलले व्यवसायीहरुको समस्यालाई माथिल्लो तहसम्म पुराउने प्रतिवद्धता जनाएका छन् ।