इरान विरुद्ध युद्ध सुरु गरेको पहिलो ६ दिनमै ११ अर्ब ३० करोड अमेरिकी डलर खर्च भएको अमेरिकी रक्षा मन्त्रालय पेन्टागनले अनुमान गरेको छ ।
अमेरिकी सञ्चारमाध्यमका अनुसार सैन्य अधिकारीहरूले मंगलबार सांसदहरूलाई बन्द कक्षामा गरिएको गोप्य ब्रिफिङमा उक्त अनुमान प्रस्तुत गरेका हुन्। दी न्यूयोर्क टाइम्स र एनबीसी न्यूजले नाम नखुलाइएका स्रोतलाई उद्धृत गर्दै यो जानकारी दिएका हुन्।
रिपोर्टका अनुसार यो अनुमानित रकममा युद्ध सुरु हुनुअघि सैन्य उपकरण र जनशक्ति परिचालन गर्न गरिएको तयारी खर्च समावेश गरिएको छैन। त्यसैले वास्तविक खर्च यो भन्दा अझ धेरै हुने अपेक्षा गरिएको छ।
-एजेन्सी
प्रतिक्रिया