दाङ । दाङ घोराही उपमहानगरपालिका वडा नं. १८ स्थित क्वारेन्टिनमा बसेका जोडीको क्वारेन्टाइन भित्रै बिबाह भएको छ । भारतबाट नेपाल आउने क्रममा बाटोमा प्रेममा परेका दुई युवाको बिबाह गर्ने बिषयमा परिवारको सहमती पाए पछि क्यारेन्टाइनमै बिबाह भएको हो ।
क्वारेन्टिन नजिकै रहेको वर-पिपलको रुखमुनी बैवाहीक कार्यक्रम गरिएको र क्वारेन्टाइन अवधि पुरा गरेपछि नव जोडी अहिले घरमा पुगेकाछन्।
उनीहरुलाई घर पुगेपछि पनि १ साता अलग अलग बस्न भनिएको छ । सोही क्वारेन्टिनमा बसेका मध्य चार जनाको रिपोर्ट पोजेटिभ आएपछी उनीहरुलाई एम्बुलेन्स मार्फत आइसोलेशनमा लगिएको थियो भने, रिपोर्ट नेगेटिभ आएको जोडीको विबाह गरेर घर पठाईएको थियो । विबाह बन्धमा बाँधिएका पुरुष २३ बर्षका र महिला २१ बर्षका रहेका छन् ।
प्रतिक्रिया