बुटवल । सिद्धार्थ राजमार्ग अन्तरगत बुटवल-पाल्पा सडक खण्डको सिद्धाबाबा नजिकै गत मंगलबार भएको सवारी दुर्घटनामा घाइते मध्ये एक जनाको मृत्यु भएको छ ।
दुर्घटनामा घाइते भएका पाल्पाको तिनाउ गाउँपालिका–३ झुम्साका नन्दलाल बस्यालको काठमाण्डौंको ग्राण्डी अस्पतालमा उपचार क्रममा मृत्यु भएको हो ।
पाल्पादेखि बुटवलतर्फ आउँदै गर्दा प्रदेश ३-०१-२२ च ४५२२ नम्बरको हाइलक्स पाल्पाको सिद्धबाबा नजिकै तिनाउ नदिमा खस्दा ६ जना घाइते भएका थिए । १ जनाको बुटवलमा र अन्य ५ जनाको थप उपचारका लागि काठमाडौं रिफर गरिएको थियो ।
घाईते अन्य ४ जनाको काठमाण्डौंको ग्राण्डी अस्पतालमा उपचार भैरहेको छ । दुर्घटनामा परी मृतक नन्दलालसँगै तिनाउ गांउपालिका वडा नं. ३ का दया पाण्डे, शिव पाण्डे , कृष्ण बस्याल, बालकृष्ण बस्याल र बिनोद बस्याल घाइते भएका थिए ।
प्रतिक्रिया