१८ माघ २०७९, बुधबार | February 1, 2023

‘खानामा अदुवा, बेसार किन हालेको, मेथी किन पड्काएको ?’ – विज्ञहरुसँग सोध्न प्रधानमन्त्रीको आग्रह



काठमाडौं । प्रधानमन्त्री केपी शर्मा ओलीले नेपाली भान्छामा अदुवा, बेसार प्रयोगबारे जानकारी नभए विज्ञहरूसँग परामर्श गर्न सुझाव दिएका छन् ।

अन्तराष्ट्रिय योग दिवसका अवसरमा योय साधनासँग सम्बद्धहरुसंगको भर्चुअल भेलालाई सम्बाधेन गर्दै प्रधानमन्त्री ओलीले नेपाली भान्छामा प्रयोग हुने परिकारमा आयुर्वेदको औषधी मिश्रण भएको पुनस् दोहो-याएका हुन् ।

केहीदिन अघि कोरोना विरूद्ध अदुवा बेसारको प्रयोगबारे प्रधानमन्त्री ओलीले गरेको टिप्पणीको आलोचना गरिएको थियो ।

‘खानामा अदुवा किन हालेको, बेसार किन हालेको, मेथी किन पड्काएको ? भनेर विज्ञहरुसँग सोधौं ‘। प्रधानमन्त्रीले भने । ‘हाम्रो स्वास्थ्य विधिको मुल पक्ष निरोगी नेपाल हो । उपचार दोस्रो कुरामा पर्दछ’, उनले भने ।

ओलीले योग अभ्यासको निरन्तरतालाई वैज्ञानिक ढंगले प्रयोग गर्न आह्वान समेत गरे ।

उनले आहार, व्यायाम र आरामको अन्योन्याश्रित सम्बन्ध हुने भन्दै यी तीन चिज मिलाउन सकेमात्र पूर्ण योग प्राप्त हुने बताएकाछन् ।

नेपाली पुर्वजहरुले पत्ता लगाएका योग विज्ञानलाई स्वीकार गरेर संयुक्त राष्ट्र संघले आफ्नो दिवस बनाएकोमा प्रधानमन्त्रीले राष्ट्रसंघलाई धन्यवाद पनि दिए ।

योग विज्ञान यत्तिकै प्राप्त भएको बिज्ञान नभएको भन्दै उनले पुर्वजहरुको खोज, अनुसन्धान र योगदानले योग बिज्ञान प्राप्त भएको स्पष्ट पारे । ‘पुर्वजहरुको योगदानलाई हामी माथि उठाउन चाहन्छौ’, उनले भने ।

धर्ति र प्रकृतिसँग असाधारण सम्भावनाहरु रहेको उल्लेख गर्दै प्रधानमन्त्रीले प्रकट भएका र अप्रकट त्यस्ता सम्भावनाहरुलाई उजागर गर्न र अनुसन्धान गरी बाहिर ल्याउन सरकारले दक्ष जनशक्ति तयार गरिने प्रतिबद्धता व्यक्त गरे ।

भर्चुअल भेलाकै बीच प्रधानमन्त्रीले योग विज्ञानसम्बन्धी पुस्तक समेत विमोचन गरेका थिए । भर्चुअल भेलामा संस्कृति, नागरिक उड्डयान तथा पर्यटन मन्त्री योगेश भट्टराई, शिक्षामन्त्री गिरिराजमणि पोखरेल, योग साधक सोनम साथी लगायत योग विज्ञानसँग सम्बन्धित विभिन्न व्यक्तित्वको सहभागिता रहेको थियो ।

प्रकाशित मिति : ७ असार २०७७, आइतबार  ९ : ३४ बजे

‘एन आई सी एशिया मर्चेन्ट मिट २०२३’ सम्पन्न, मर्चेन्टहरुको उल्लेख्य सहभागिता

काठमाडौ । एन आई सी एशिया बैंक लिमिटेडले ‘सेलेब्रेटिङ डिजिटल

कांग्रेसले बोलायो संसदीय दलको बैठक

काठमाडौं । नेपाली कांग्रेसले संसदीय दल कार्यसमितिको बैठक बोलाएको छ

बागमती प्रदेशसभाको बैठक माघ २२ गते अपराह्न बस्ने

हेटौंडा । बागमती प्रदेशसभाको दोस्रो कार्यकालको तेस्रो बैठक यही माघ

रवि लामिछानेको सांसद पद रिक्त भएको जानकारी गराए सभामुख घिमिरेले

काठमाडौं । सभामुख देवराज घिमिरेले रवि लामिछानेको सांसद पद खारेज

पोखरामा कहिले सुरु हुन्छ तार भूमिगतको काम ?

पोखरा । पोखरामा विद्युतीय तार भूमिगत गर्न भारतीय टाटा प्रोजेक्टस