१८ आश्विन २०७९, मंगलबार | October 4, 2022

श्रम शोषण गर्ने मिडिया मालिकका बिरुद्ध पत्रकार महासंघले आन्दोलन गर्दै



काठमाडौं । लामो समय देखि श्रमजिवी पत्रकारको श्रम शोषण गर्दै आएका नेपालका केहि मिडिया हाउसहरुले लकडाउनको बहानमा पत्रकारहरुलाई जबर्जस्ती बेतलबी बिदामा बस्न लगाउने, काममा नआउन मौखिक आदेश दिने, कामबाट हटाउने जस्ता कार्य गरेपछि नेपाल पत्रकार महासंघले चरणबद्ध आन्दोलन थालेको छ ।

पहिलो चरणमा समस्या समाधानका लागि मिडिया हाउसका सञ्चालकलाई पत्राचार गरेको महासंघले दोस्रो चरणबाट दबाब मुलक आन्दोलन गर्ने तयारी गरेको छ ।

महासंघका अध्यक्ष गोविन्द आचार्यले महासंघले श्रमजीवी पत्रकारको हकहितविरुद्ध कुनै पनि सम्झौता नगर्ने बताए। उनले महासंघले धर्ना बस्नेसम्मका विभिन्न दबाब मुलक कार्यक्रमको तयारी गरेको जानकारी दिए। आवश्यक परेमा मिडिया सञ्चालकको घरमा पुगेर धर्ना बस्ने तयारी पनि हाम्रो छ ।ु उनले भने । मिडीया मालिकको घरको मुल गेटमा कालो झण्डा गरेर धर्ना बस्ने गरि दबाव सिर्जना गरिने उनले भने ।

सहुलियत दिनुपर्ने ठाउँमा सेवा सुविधा कटौती गर्ने काम भएको जानकारी दिँदै महासंघ अध्यक्ष आचार्यले अब विभिन्न सेवा सुविधा बञ्चितदेखि कानुनी कारबाहीका लागि पहल पनि गरिने चेतावनी दिए । आम जनताको शोषणको कुरा उठाउने मिडिया हाउसले नै श्रम शोषण गर्छ भने त्यस्ता मिडिया मालिकलाई सामाजिक बहिस्कार गर्नु पर्छ । अध्यक्ष आचार्यले भने ।

एक दुई महिनालाई पनि धान्न नसक्ने मिडिया हाउसको औचित्य नभएको निष्कर्ष निकालेर महासंघ कानुनी तथा दबाब मुलक आन्दोलन गर्ने तयारीमा लागेको महासंघले जनाएको छ ।

पत्रकार महासंघका अन्य पदाधिकारीले पनि मिडिया सञ्चालको आकाशिदो आर्थिक अवस्था र मिडियाको आवरणमा हुने अन्य क्रियाकलापलाई पनि राज्यका निकायमा लिखित उजुरी दिएर छानबिन गर्नुपर्नेमा जोड दिएका छन् । ठूलो भनिएका सञ्चार संस्थामा श्रमको धेरै समस्या देखिएको छ ।

कान्तिपुर दैनिक, अन्नपूर्णपोष्ट दैनिक, उज्यालो रेडियो नेटवर्क, माउन्टेन टेलिभिजन, हिमालय टेलिभिजन, न्युज २४ टेलिभिजन, नागरिक दैनिक, एपिवान टेलिभिजन, कान्तिपुर टेलिभिजन र नयाँ पत्रिका दैनिकका पत्रकारले महासंघमा लिखित उजुरी दर्ता गरेका छन् । महासंघले जुनसुकै श्रम समस्या भएमा महासंघमा उजुरी गर्न सबै पत्रकारलाई आग्रह गरेको छ ।

प्रकाशित मिति : ८ असार २०७७, सोमबार  ६ : १८ बजे

राष्ट्रपति भण्डारीद्वारा नव कन्याको पूजा

काठमाडौं । राष्ट्रपति विद्यादेवी भण्डारीले नवदुर्गाको अवतारस्वरुप आज महानवमीको दिन

कंकालिनी मंन्दिरमा हेलिकप्टरबाट पुष्पवृष्टि, ६ सय ७५ राँगाको बली दिइँदै

सप्तरी । सप्तरीको हनुमाननगर कंकालिनी नगरपालिका भारदहस्थित कंकालिनी मन्दिरमा नेपाली

घाँटीमा मासुको हड्डी अड्किएर लमजुङमा एक जनाको मृत्यु

लमजुङ । मासु खाँदा घाँटीमा हड्डी अड्किएर लमजुङमा एक जनाको

मतदातालाई सूचनामा सम्पन्न बनाउँदै निर्वाचन आयोग

काठमाडौं । के तपाई मतदाता नामावलीमा आफ्नो नाम छ भन्नेमा

सिट बाँडफाट टुंगो लगाउन गठबन्धनको बैठक ३ बजे बस्ने

काठमाडौं । सिट बाँडफाँटको टुंगो लगाउनका लागि सत्तारुढ गठबन्धनको बैठक