बुटवल । कोरोना सङ्क्रमणको उच्च जोखिममा रहे पनि प्रदेश ५ मा निको हुनेको सङ्ख्या निरन्तर बढिरहेको छ ।
परीक्षणको दायरा फराकिलो पारिएसँगै घर फर्किने क्रम बढेपछि कोरोनाबारेको मनोवैज्ञानिक त्रास पनि कम हुँदै गएको छ । रुपन्देहीको भैरहवास्थित प्रदेश जनस्वास्थ्य प्रयोगशालामा पीसीआर मेसिन थप भएपछि परीक्षण अझै तीव्र गतिमा हुने छ ।
एउटा पीसीआर मेसिन भएकोमा अब भने दुईवटा मेसिनबाट पीसीआर मेसिनबाट कोरोना चेकजाँच हुनेछ । प्रदेश सामाजिक विकास मन्त्री सुदर्शन बरालले अब परीक्षणको दायरा पहिलेभन्दा दोब्बर हुने बताउनुभयो ।
नेपालगञ्जमा अधिकांश कोरोना सङ्क्रमित निको भएर घर फर्किएपछि क्रमशः बाँके जिल्ला कोरोना मुक्त हुन थालेको छ । बिहीबार मात्रै २३ जना सङ्क्रमित निको भएर घर फर्किएको स्वास्थ्य कार्यालय बाँकेले जनाएको छ । सो कार्यालयका कोरोना फोकल पर्सन नरेश श्रेष्ठका अनुसार अब ५९ जनाको विभिन्न आइसोलेसनमा उपचार भइरहेको छ ।
भैरहवामा प्रदेश जनस्वास्थ्य प्रयोगशालामा पीसीआर मेसिन थप भएको छ । एउटा पीसीआर मेसिन भएकोमा अब दुईवटा मेसिनबाट पीसीआर मेसिनबाट कोरोना भाइरसको परीक्षण हुनेछ । अहिलेसम्म दैनिक दुई सयसम्म परीक्षणको क्षमता रहेको यो प्रयोगशालामा अब दैनिक तीन सयसम्म स्वाब परीक्षण गर्न सकिने प्रयोगशालाका निमित्त प्रमुख राजेन्द्रप्रसाद गिरिले जानकारी दिनुभयो ।
थप गरिएको मेसिनले आइतबारदेखि पूर्ण क्षमतामा परीक्षण सुरु गर्ने उहाले बताउनुभयो । पाल्पामा कोरोना सङ्क्रमितको सङ्ख्या दिनहुँ बढेको छ । बिहीबार मात्रै देशका विभिन्न प्रयोगशालामा गरिएको परीक्षणमा पाल्पाका थप १२४ जनामा कोरोना सङ्क्रमण पुष्टि भएको छ । स्वास्थ्य कार्यालय पाल्पाका निमित्त प्रमुख विश्वनाथ न्यौपानेले योसँगै पाल्पामा ३७२ जनामा सङ्क्रमण पुष्टि भएको जानकारी दिनुभयो ।
उक्त समाचार आजको गोरखापत्रमा छापिएको छ ।
प्रतिक्रिया