दाङमा अचेत अवस्थामा भेटिएकी मृत युवतीलाई कोरोना संक्रमण पुष्टि

काठमाडौं । कोरोना भाइरसको संक्रमणबाट अर्को एक जनाको मृत्यु भएको छ ।

असार ११ गते दाङमा अचेत अवस्थामा मृत भेटिएकी एक युवतीलाई कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

अचेत अवस्थामा रहेकी अन्दाजी २५–३० वर्षकी ती युवतीलाई प्रहरीले उद्दार गरी राप्ती स्वास्थ्य विज्ञान प्रतिष्ठान पुर्याएको थियो । तर, उनको प्रतिष्ठानमा लैजानुपहिले नै मृत्यु भएको थियो ।

पछि प्रतिष्ठानले उनको स्वावको परीक्षण गर्दा शुक्रबार कोरोना भाइरस पोजेटिभ देखिएको स्वास्थ्य मन्त्रलायका प्रवक्ता डा. जागेश्वर गौतमले बताए ।

उनको हालसम्म नाम र ठेगाना खुलेको छैन । आफन्तहरुको खोजीकार्य जारी रहेको स्वास्थ्य मन्त्रालयले जनाएको छ ।

यससँगै हालसम्म नेपालमा कोरोना भाइरसको संक्रमणबाट मृत्यु हुनेको संख्या २७ पुगेको छ ।