रुपन्देहीको सैनामैनामा सवारी दुर्घटना हुदा दुई जनाको मृत्यु

बुटवल । रुपन्देहीको सैनामैनामा सवारी दुर्घटनामा परि दुई जनाको मृत्यु भएको छ । पुर्व पश्चिम राजमार्ग अन्तर्गत सैनामैना वडा न.८ कलौनि शान्तिटोलमा आज दिउसो २ दुर्घटना हुदा दुई जनाको मृत्यु भएको हो ।

कपिलबस्तुबाट बुटवल तर्फ जाँदै गरेको लु २ च ८५२९ नम्बरको कार र बिपरित दिशाबाट आइरहेको लु ५२ प ६२२९ नम्बरको मोटरसाइकल एक आपसमा ठोक्किदा दुर्घटना भएको इलाका प्रहरी कार्यालय बुटवलका प्रहरी नायव उपरिक्षक प्रतित सिंह राठोरले जानकारी दिनुभयो ।

दुर्घटनामा परि मोटरसाइकलमा सवार सैनामैना वडा न.१ बस्ने वर्ष ३० का सन्तोष परियार र मोटरसाइकलमा सवार उनका बुबा ५० वर्षिय टेक बहादुर परियारको उपचारको क्रममा लुम्बिनी प्रादेशिक अस्पतालमा मृत्यु भएको राठोरले बताउनुभयो ।

कार र मोटरसाइकल इलाका प्रहरी कार्यालय सालझण्डीको नियन्त्रणमा रहेको छ र घटना सम्बन्धी थप अनुसन्धान भइरहेको उहाले बताउनुभयो । मृतक दुवै जना बाबु छोरा हुन् ।