लकडाउन साउन ७ सम्म लम्बियो, खुकुलो अवस्था कायमै

काठमाडौं । सरकारले जारी लकडाउनलाई आगामी साउन ७ गतेसम्म लम्ब्याउने निर्णय गरेको छ ।

मन्त्रिपरिषद्को सोमबार राति सम्पन्न बैठकले हाल जारी लकडाउन साउन ७ गतेसम्म लम्ब्याउने निर्णय गरेको हो । तर लकडाउनको प्रकृति भने अहिले जस्तै नै खुकुलो हुनेछ ।

गत जेठ २८ गते बसेको मन्त्रिपरिषद् बैठकले लकडाउनलाई खुकुलो बनाएको थियो । स्वास्थ्यसँग सम्वन्धित सबै सेवा खुला छन् भने  सबै प्रकारका कृषि र पशुपक्षी सेवा, उत्पादन र बिक्री खुला गरिएको छ  ।

खुकुलो लकडाउनमा उद्योग, व्यापार, व्यवसाय, पसलहरु, डिपार्टमेन्टल स्टोरहरु खुला गरिएको छ ।

सबै प्रकारका ढुवानी सेवा पनि खुला गरिएको छ भने निजी सवारी साधनमा जोरविजोर प्रणाली लागु गरिएको छ

यस्तै, बैठकले हवाइ उडान र सीमा नाका पनि साउन ७ गतेसम्म बन्द नै रहने निर्णय गरेको छ ।