२२ मंसिर २०८०, शुक्रबार | December 8, 2023

सेयर बजारमा उछाल, उच्च अंकको वृद्धिपछि तीन पटक सर्किट ब्रेक



काठमाडौं । कोरोनाका कारण लामो समय बन्द भएर सोमबारदेखि खुलेको धितोपत्र बजारमा शेयर कारोबार मापक नेप्सेमा उछाल देखिएपछि नेपाल स्टक एक्सचेञ्जले आजका लागि कारोवार स्थगन गरेको छ ।

गत चैत ११ गते देशव्यापी रुपमा लकडाउन गरिएपछि बन्द भएको बजार झण्डै सय दिनपछि सोमबार खुलेको थियो । त्यसअघि गत वैशाखको दोस्रो साता समेत बजार दुई दिनका लागि खुला गरिएको थियो । लगातार ओरालो लागेपछि बजार पुनः बन्द गरियो । यही असार १४ गते आइतबार बसेको नेपाल धितोपत्र बोर्डको सञ्चालक समितिको बैठकले सोमबारदेखि बजार खोल्ने निर्णय गरेको थियाो। स्टकका अनुसार सोमबार बजार भने दोहोरो अङ्कले आरोलो लागेर बन्द भएको थियो ।

मंगलबार बिहान ११ बजे खुलेको बजारमा उच्च अंकको वृद्धि भएपछि स्टकले तीन पटक सर्किट ब्रेक लगाएको थियो ।
स्टकका अनुसार कूल ७२ दशमलव ०५ बिन्दुले बजार उकालो लागेको छ । प्रतिशतका आधारमा ६दशमलव ६ ले नेप्से बढोत्तरी भएको छ । नेप्सेमा देखिएको उच्च सुधारसँगै बजार एक हजार २६० दशमलव ७५ मा पुगेको छ । कोरोना कहरपछि बजारमा उच्च बिन्दुले सुधार भएको हो । यस्तै सेन्सेटिभ परिसूचक समेत १५ दशमलव ६३ विन्दु अर्थात ६दशमलव१० प्रतिशतले बढेको छ ।

कूल १३४ कम्पनीको चार लाख ८९ हजार ५३७ कित्ता शेयर रु २२ करोड ७२ लाख १२ हजार १९४ ले कारोबार भयो । स्टकले नेप्से पाँच प्रतिशत बढीले वृद्धि भएका कारण मंगलबारको कारोबार स्थगन भएको जनाएको छ । कारोवार शुरु भएको करिब एक घण्टाको अवधिमा नै बजारमा पहिलो सर्किट लागेको थियो । पहिलो सर्किट लाग्दा बजार चार प्रतिशतले बढेको थियो ।

दोस्रो पटक बजारमा पाँच प्रतिशतको बढोत्तरी भयो र बजार पुनः बन्द भयो । तेस्रो पटक छ प्रतिशतले नेप्से बढेपनि कारोबार आजका लागि बन्द भयो ।

स्टकका अनुसार आज कारोवार भएका कूल १२ उपसमूह मध्ये दुई उपसमूहको शेयर ओरालो लाग्दा १० उपसमूहको भने बढेको छ । होटल ४७ दशमलव ८४ र सामूहिक लगानी कोष ० दशमलव ०३ ले घटेको छ । यस्तै बैंकिङ ७३।७२, व्यापार ६५।७३, विकास बैंक ६५ दशमवल ६६, जलविद्युत् ३९ दशमलव ७७, वित्त ४ दशमलव ९७, निर्जीवन बीमा २९६ दशमलव १५, उत्पादन १२२ दशमलव १७, अन्य २३।९७, लघुवित्त ७७ दशमलव ७ र जीवन बीमा ६३४ दशमलव ९८ बिन्दुले बढेको छ ।

कारोवारका आधारमा आज हिमालयन डिस्टिलरी शीर्ष स्थानमा रहेको छ । सो कम्पनीको तीन करोड ६४ लाख ३८ हजार ६० बराबरको कारोबार भयो । यस्तै, नेपाल लाइफ इन्स्योरेन्स कम्पनी तीन करोड ५२ लाख २३ हजार ७९०, साना किसान विकास बैंक एक करोड ६७ लाख ७१ हजार ६९८, शिवम सिमेन्ट एक करोड २६ लाख ३० हजार ८०७, नेपाल पुर्नबीमा कम्पनी ७० लाख १६ हजार ५९०, एनएमबी बैंक ६३ लाख ४३ हजार ६९७ र नबिल बैंक ६२ लाख दुर्इ हजार ५८८ बराबरको कारोबार भई शीर्ष स्थानमा रहे ।

नेप्सेका अनुसार आज नागरिक लगानी कोष, एशियन लाइफ इन्स्योरेन्स, सूर्या लाइफ इन्स्योरेन्स, नेपाल लाइफ इन्स्योरेन्स, नेशनल लाइफ इन्स्योरेन्स, शिवम् सिमेन्टका लगानीकर्ताले समान १० प्रतिशतले कमाए । साल्ट टे«डिङ कर्पोरेशन ९ दशमलव ९८, विजय लघुवित्त वित्तीय संस्था ९ दशमलव ९८, हिमालयन डिस्टिलरी ९ दशमलव ९६ र साना किसान विकास बैंकका लगानीकर्ताले ९ दशमलव ९६ प्रतिशतले कमाए ।

त्यस्तै, नेपाल पुर्नबीमा कम्पनी ९ दशमलव ९४, ओरियन्टल होटल ९ दशमलव ७३, सानिमा इक्विटी फण्ड ३ दशमलव ८९, वेस्ट फाइनान्स कम्पनी २ दशमलव २७, एनआइबिएल समृद्धि फण्ड एक १ दशमलव ९९ र नेपाल सेवा लघुवित्त वित्तीय संस्थाका शेयधरनीले १ दशमलव ९७ प्रतिशतले कमाएका छन् । बजारमा देखिएको उच्च वृद्धिले कोरोना पछि थला परेको अर्थतन्त्रलाई क्रमशः माथि लैजान बल पुग्ने टिप्पणी बजारमा गरिएको छ ।

प्रकाशित मिति : १६ असार २०७७, मंगलबार  ४ : ५८ बजे

झापा र वीरगञ्जबीचको खेल बराबरीमा सकियो

काठमाडौं । नेपाल सुपर लिग फुटबल प्रतियोगिताअन्तर्गत आज भएको झापा

समझदारी, विश्वास र एकता प्रवर्द्धनमा प्रधानमन्त्रीको जोड

काठमाडौं । प्रधानमन्त्री पुष्पकमल दाहाल ‘प्रचण्ड’ले दक्षिण एशियाली क्षेत्रीय सहयोग

लुम्बिनीमा नेपाल-भारत साँस्कृतिक उत्सव : भारत र चीनको पक्की पुल बन्न चाहन्छौं – मन्त्री किराँती

लुम्बिनी । सँस्कृती पर्यटन तथा नागरिक उडडयन मन्त्री सुदन किराँतीले

Parliamentary Hearing Committee approves Sanil for ambassadorial post

Kathmandu: The Federal Parliament Hearing Committee on Friday unanimously approved

एनसेल खरिदबिक्री विरुद्ध अमरेशकुमार सिंहले गरे सर्वोच्चमा रिट दर्ता

काठमाडौं। एनसेलको शंकास्पद शेयर खरिद बिक्री प्रकरणविरुद्ध सांसद अमरेशकुमार सिंहले