कपिलवस्तु । कपिलवस्तु जिल्ला सदरमुकाम तौलिहवामा जनता समाजवादी पार्टीले सरकारको विरुद्ध विरोध सभा गरेको छ ।
सरकारले ल्याएको नागरीकता संसोधन विरुद्ध जिल्ला प्रशासन कार्यलयमा ज्ञापन पत्र पेश गर्दे विरोध प्रदर्शन गरेका छन् ।
नेपाली नागरिकसँग वैवाहिक सम्वन्ध कायम गरेका र नेपालमै स्थायी रुपमा बसोवास गरेका विदेशी नागरिकले आफ्नो मुलुकको नागरिकता परित्याग गर्ने कारवाही चलाएको प्रमाणको आधारमा वैवाहिक अगिकृत नेपाली नागरिकता प्रदान गर्ने व्यवस्था मिलाउन उनीहरुले माग गरे ।
यसैगरी, लैगिक विभेद अन्त्य गरी पुर्ण समानता कायम गराउन, गोर्खा भर्तीमार्फत विदेशी सेनामा कार्यरतहरुको सन्तानलाई गैरनागरिक बनाउने प्रवधान हटाई तिनीहरुलाई नागरिकता दिने व्यवस्था मिलाउन माग राखिएको छ ।
यस्तै यौनिक तथा लैगिंक अल्पसंख्यकहरु लाई नागरिकताको लागी लैगिंक परिक्षण गर्नुपर्ने प्रावधान हटाउन तथा उनि हरुले स्वघोषणा गरेको लैर्गिक पहिचानलाई मान्यता दिइ नागकिता प्रदान गर्न व्यवस्था गर्न ज्ञापन पत्रमा उल्लेख छ ।
सम्पुर्ण नागरिकहरुलाई समान व्यवहार गरी राज्यका सवै नागरिकहरुको अभिभावक बन्न सरकारलाई आग्रह गरेको पुर्व समाजवादी पार्टीका अध्यक्ष शैलेन्द यादवले बताए ।
यस्तै गरी विभेद ,निषेध र बहिष्करण कायमै रहने हो भने जनताको आन्दोलित हुने अधिकार कसैले रोक्न नसक्ने पुर्व राष्टिय जनता पार्टीका अध्यक्ष कैलाश अग्रहरीले बताए । ।
प्रतिक्रिया