१६ चैत्र २०८०, शुक्रबार | March 29, 2024

लकडाउनबाट प्रभावित उद्योग पुनःसञ्चालन गर्न आग्रह



काठमाडौं । नेपाली कांग्रेसले लकडाउनबाट प्रभावित उद्योगधन्दाको सुचारुको लागि उपयुक्त आर्थिक सहयोगको व्यवस्था गर्न र साना मझौला र अनौपचारिक व्यवसायलाई विशेष सहयोगको प्याकेज ल्याउन सरकारको ध्यानाकर्षण गराएको छ ।

नेपाली कांग्रेस ‘कोभिड–१९ अनुगमन समिति’ का संयोजक एवं पार्टी सहमहामन्त्री डा प्रकाशशरण महतको नेतृत्वको प्रतिनिधिमण्डलले मंगलबार अर्थमन्त्रीसँगको भेटमा कोभिड–१९ ले नेपालको अर्थतन्त्रमा पारेको असर र त्यसका समाधानका बारेमा छलफल गर्नुभएको थियो ।

प्रतिनिधिमण्डलले विभिन्न देश तथा भारतबाट फर्किएका युवाको रोजगारीको व्यवस्था गर्न, क्वारेन्टिन तथा अन्य आवश्यक स्वास्थ्य उपकरण व्यवस्थापनको लागि स्थानीय निकायलाई पर्याप्त र समयमै बजेट उपलब्ध गराउन सुझाव दिएको थियो ।

गरिब र बेरोजगारलाई रोग र भोकबाट बचाउन विशेष राहतका कार्यक्रम ल्याउन, वैदेशिक रोजगारमा गएका युवालाई स्वदेश फर्कन लाग्ने हवाई भाडामा विशेष सहुलियत प्रदान गर्न पनि सुझाव दिएको प्रतिनिधिमण्डलमा सहभागी कांग्रेसका सचिव डा प्रदीप पराजुलीले जानकारी दिनुभयो ।

त्यस्तै प्रतिनिधिमण्डलले एशियाली विकास बैंक, विश्व बैंकजस्ता विभिन्न विकास सहयोगी संस्थाबाट प्राप्त सहयोगको बारेमा जानकारी माग्नुका साथै ती सहयोगको उचित सदुपयोगको सुनिश्चितता हुनुपर्नेमा पनि अर्थमन्त्रीलाई सजग गएको थियो ।

प्रतिनिधिमण्डलले स्वास्थ्य तथा जनसङ्ख्या मन्त्रीलाई भेटी कोभिड–१९ रोकथाम र उपचारका सम्बन्धमा हाल सरकारबाट भएगरेका क्रियाकलाप तथा आगामी दिनका कार्यक्रमका बारेमा जानकारी लिई पार्टीले विगतदेखि उठाउँदै आएका विषयलाई ध्यानाकर्षण गराएको थियो ।

सहमहामन्त्री डा महत नेतृत्वको प्रतिनिधिमण्डलमा कांग्रेस केन्द्रीय सदस्य एनपी साउँद, डा चन्द्र भण्डारी, गगनकुमार थापा र मोहनबहादुर बस्नेत तथा विज्ञको तर्फबाट डा प्रभु बुढाथोकी, डा पोषराज पाण्डे र सचिव डा पराजुलीको सहभागी थियो । रासस

प्रकाशित मिति : १७ असार २०७७, बुधबार  ६ : १६ बजे

कोहलपुर–सुर्खेत प्रसारण लाइनः रूख कटान प्रक्रिया सुरु

सुर्खेत । कर्णालीको विद्युतीकरणका लागि क्रान्ति ल्याउने उद्देश्यले निर्माण कार्य

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले