कैलाली । कैलालीको गोदावरी नगरपालिका वडा नम्बर १० मा होम क्वारेन्टिनमा बसेकी एक महिलाको मृत्यु भएको छ ।
गए राति अचानक स्वास्थ्यमा समस्या आएपछि उनको मृत्यु भएको गोदावरी नगरपालिकाका मेयर हरिसिंह साउदले बताउनुभयो ।
जेठ २६ गते भारतबाट फर्केकी ४८ बर्सिया ती महिला वडा अध्यक्षको निगरानीमा होम क्वारेन्टिनमा बस्दै आएकी थिइन् ।
उनमा प्यारालाइसिस र रक्तचापको समस्या रहेको थियो । उनको कोरोना परीक्षणका लागि स्वाब नमुना सङ्कलन गरी धनगढी पठाइएको छ । रिपोर्ट आएपछि मात्रै शव व्यवस्थापन गरिने मेयर साउदले जानकारी दिनुभयो ।
प्रतिक्रिया