९ फाल्गुन २०८०, बुधबार | February 21, 2024

रोपाईं गर्न पुगेका खोकनाबासी र प्रहरीबीच झडप



काठमाडौं । ललितपुरको खोकनामा आफ्नो पुख्र्यौली जमिनमा रोपाईं गर्न पुगेका स्थानीयबासिन्दा र प्रहरीबीच झडप भएको छ ।
फस्ट ट्रयाकमा पर्ने जमिनमा खोकनाबासीले धान रोपाईं गर्न थालेपछि झडप भएको हो ।

खोकनाबासीले आफ्नो पुख्र्यौली जमिन विकासका नाममा हडपिएको आरोप लगाएका छन् । उनीहरुले विकासका नाममा विकासका नाममा उर्वर भूमि र खोकनाको धार्मिक सांस्कृतिक सम्पदाको विनाश गरेको भन्दै विरोध स्वरुप धान रोपाई गर्न थालेपछि प्रहरीले अवरोध गरेको थियो । त्यसपछि झडप भएको हो । किसानहरु सामूहिक रुपमा धान रोपाईं गरेका थिए ।

नेवाःहरुको आफ्नो भूमि माथिको अधिकार भएपछि सरकारले विकास परियोजनाका नाममा हराभरा र उर्वर भूमिलाई विनास गर्ने हिसाबले काम गरिरहेकाले विरोध गरिएको उपत्यकाव्यापी सडक पीडित संघका कोषाध्यक्ष विद्या श्रेष्ठले बताइन । ३ हजार वर्ष अगाडीको नेवाः सभ्यता विनास गर्न खोज्ने सरकारको कामका विरुद्ध धान रोपेर विरोध गरिएको उनले जिकिर गरिन ।

किसानहरु संयुक्त रुपमा धान रोपाई गर्न थालेपछि विहानै देखि नेपाल प्रहरी र सशस्त्र प्रहरी परिचालन गरिएको थियो । प्रहरीले धान रोप्न नदिएपछि नाराबाजी सुरु गरेका थिए ।

स्थानीयहरु रुद्रायणी मन्दिरमा भेला भएर ट्रयाक्टर, कुटो कुदालोसहित कुदेश, सिकाली हुँदै खुदोल पुगेका थिए । उपत्यकाका विभिन्न स्थानबाट मानिसहरु किसानको समर्थनमा खोकना पुगेर धान रोप्न सुरु गरेका थिए ।

‘फास्ट ट्रयाक चाँहिदैन किसान मार्न पाईदैन’, ‘भूमाफिया होसियार’, ‘सम्पूर्ण किसान एक होउ’ भन्ने नारा लगाएर प्रहरीलाई ढुंगामुडा प्रहार गरेपछि झडपको अवस्था आएको हो ।

खेत रोपाईमा प्रहरीले अवरोध गरेपछि आक्रोशित स्थानीयको भिडलाई तितरवितर पार्न प्रहरीले अश्रुग्यास र हवाई फायर गरेको थियो । बाहिरी चक्रपथ, काठमाडौं तराई द्रुतमार्ग र मातातीर्थ—भक्तपुर १३२ केभी प्रसारणलाईन खोकना हुँदै बनाउने योजना सरकारले अघि सारेपछि स्थानीयले विरोध गरिरहेका हुन् । सांस्कृति सम्पदाहरुमाथि विकासका नाममा विनास गर्न नहुने भन्दै स्थानीय विरोधमा उत्रेका हुन् ।

प्रकाशित मिति : २० असार २०७७, शनिबार  ३ : १४ बजे

देशको समृद्धिका लागि प्रमुख दलहरूबीच सहकार्य हुनुपर्छ : सांसद कल्पना मियाँकुसारी

काठमाडौं । संसद्को कानुन निर्माण प्रक्रियामा प्रमुख राजनीतिक दलका शीर्ष

ललिता निवासको जग्गा खाली गर्न काठमाडौं महानगरपालिकाको ७ दिने म्याद

काठमाडौं । काठमाडौं महानगरपालिकाले ललिता निवास क्षेत्र सात दिनभित्र खाली

भित्तेपत्रिकाबाट पत्रकारिताको अभ्यास

बझाङ । निर्मला बाग ‘सरस्वती’ बालभित्ते पत्रिकाको प्रकाशक हुन ।

विश्वकप लिग-२ : नामिबियाविरुद्ध नेपाल ब्याटिङमा, टिममा एक परिवर्तन

काठमाडौं । आइसीसी क्रिकेट विश्वकप लिग-२ अन्तर्गत आज नेपाल र

बस्ती संरक्षणका लागि कालीगण्डकीमा तटबन्ध

बागलुङ । बागलुङ नगरपालिका-१ स्थित मालढुङ्गा क्षेत्रको बस्ती कालीगण्डकी नदीको