काठमाडौं । नेपाल कम्युनिष्ट पार्टी नेकपामा विवाद चुलिंदै जाँदा जारी रहेको स्थायी कमिटीको बैठक पुनः २४ गते सम्मकम लागि स्थगित भएको छ ।
पार्टी एकतालाई बचाउन दोस्रो पुस्ताका नेताहरु सक्रिय भएको अवस्थामा दुई अध्यक्षकाबीच सहमति कायम गराउन बैठक स्थगित गरिएको बताईएको छ । आईतबार भएको दुई अध्यक्षबीचको छलफलमा विवादको टुङ्गो नलागेपछि आज बस्ने गरि छलफल सकिएको थियो । आजको बसाईलाई प्रभावकारी बनाउन प्रधानमन्त्री ओली र अध्यक्ष प्रचण्डका पक्षबाट शंकर पोखरेल, बिष्णु पौडेल, जनार्दन शर्मा र वर्षमान पुनलाई जिम्मेवारी दिइृएको थियो ।
अध्यक्ष द्वयको बसाईलाई परिणाममुखी बनाउन प्रयास जारी रहेकाले बैठक सार्नु परेको बताईएको छ । खबर कुरासंग कुरा गर्दै प्रधानमन्त्रीका प्रेस सल्लाहकार सुर्यथापाले दुई अध्यक्षकाबीच चलफल जारी रहेको र त्यसलाई निश्कर्षमा पु¥याउन समय आवश्यक परेकाले बैठक सारिएको जानकारी दिए । आजका लागि बस्ने भनिएको दुई अध्यक्षको छलफल प्रधानमन्त्री निवासमा सुरु भईसकेको पनि उनले बताए ।
नेकपा श्रोतका अनुसार बैठकमा महासचिव बिष्णु पौडेल, स्थायी कमिटी सदस्य शंकर पोखरेल, वर्षमान पुन र जनार्दन शर्मा पनि सहभागि रहेका छन् । पार्टी एकतालाई बलियो बनाउने जिम्मेवारी दुई अध्यक्षको भएकाले दुई अध्यक्षले नै समस्याको निराकरण गर्नु पर्ने भन्दै नेकपाका नेताहरुले अध्यक्ष द्वयलाई दवाब बढाएका छन् ।
प्रतिक्रिया