बागलुङ निसीखोलाका मृतक युवा कोरोना संक्रमित : स्वास्थ्य मन्त्रालय

२२ असार २०७७, सोमबार

काठमाडौं । बागलुङको निसीखोला गाउँपालिकाका एक व्यक्तिको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले सोमबार पुष्टि गरेको छ ।

निसीखोला ३ का २९ वर्षीय पुरुषको असार २१ गते मृत्यु भएको थियो । यद्यपी, उनको मृत्युको खबर हिजो नै सार्वजनिक भएपनि मन्त्रालयले पुष्टि गरेको थिएन ।

भारतबाट गाउँ फर्किएका ती पुरुष क्षयरोगका बिरामी थिए । उनी स्थानीय ढोरपाटनको क्वारेन्टिनमा रहेका थिए ।

यससँगै नेपालमा कोरोना भाइरसको संक्रमणबाट मृत्यु हुनेको संख्या ३५ पुगेको छ ।

प्रकाशित मिति : २२ असार २०७७, सोमबार ४ : ५० बजे

प्रतिक्रिया