काठमाडौं । जनता समाजवादी पार्टीको पूर्व समुह समाजवादी पार्टीले सांसद सरिता गिरीलाई कारवाही गरेको छ ।
पार्टीको मंगलबार बसेको बैठकले गिरीलाई पार्टीको साधारण सदस्य समेत नरहने गरी पार्टी र सांसदबाट निष्कासित गरेको हो ।
नेपालले जारी गरेको नयाँ नक्शाको विरुद्ध अभिव्यक्ति दिएकी र संसदीय दलको निर्देशन विपरित गतिविधि गरेकी सांसद गिरीलाई पार्टीले कडा कारवाही गरेको हो ।
गिरीले नयाँ नक्शालाई संविधानको अंग बनाउनका लागि संसदमा दर्ता गरिएको संविधान संशोधन विधेयक विरुद्ध गिरीले पार्टी निर्देशन विपरित संशोधन प्रस्ताव दर्ता गराएकी थिइन ।
उनलाई असार ८ गते बसेको पदाधिकारीको बैठकले स्पष्टीकरण सोधेको थियो । उनको स्पष्टीकरणको चित्त बुझ्दो जवाफ नआएको कारण कारवाही गरिएको पार्टीले जनाएको छ ।
सांसद गिरीले नेपालले भारतको सहमति नलिइ नक्शा जारी गरेको जिकिर गरेकी थिइन । संसदमा संशोधन प्रस्ताव दर्ता गराएपछि उनको निकै आलोचना भएको थियो ।
संसदीय दलले आफ्नो संशोधन प्रस्ताव फिर्ता लिन दबाब दिँदै अन्यथा कारवाही गर्ने चेतावनी दिँदै स्पष्टिकरण सोधेको थियो ।
प्रतिक्रिया