काठमाडौं । सरकारको केन्द्रीय सचिवालय सिंहदरबारभित्र राष्ट्रिय वाणिज्य बैंकले सुरु गरेको सेवा प्रवाह लोकप्रिय बनेको छ ।
राष्ट्रिय वाणिज्य बैंकको सिंहदरबार शाखामार्फत हाल मन्त्रीहरु, सांसदहरु, सरकारी कर्मचारी लगायतको सरकारी बैंकिङ कारोबार हुने गरेको छ ।
बैंकले निःशुल्क मोवाइल बैंकिङ, एटीएम कार्ड, तलबी खातामा उच्चतम व्याजदर, इन्टरनेट बैंकिङ सुविधा, डिम्याट खाताको सुविधा प्रदान गरेको छ । यसैगरी, जिरो मौज्जादमा तलबी खाता खोल्न सकिने सुविधा पनि बैंकको सिंहदरबार शाखाले दिएको छ ।
यस्तै, १५ लाखसम्मको विना धितो कर्जाको सुविधा दिएर सरकारी कर्मचारीलाई राहत पुर्याएको छ । यस्तै, बैंकको मुद्दती खातामा ८ दशमलव ७५ प्रतिशतसम्मको व्याजदर प्राप्त गर्न सकिने सुविधा पनि रहेको बैंकका सिंहदरबार शाखा प्रमुख रोविन घिमिरेले बताए । बैंकको बेसरेट ६ दशमलव २५ प्रतिशत रहेको र वचत खातामा ५ दशमलव ५ प्रतिशत व्याजदरको सुविधा दिएको पनि घिमिरेले जानकारी दिए ।
सरकारको केन्द्रीय सचिवालयभित्र सरकारी बैंक चाहिने भन्दै सांसदहरु र कर्मचारीबाट माग भएपछि राष्ट्रिय वाणिज्य बैंकले सिंहदबारभित्र शाखा खोलेको थियो ।
प्रतिक्रिया