नेपालगन्ज । बाँकेमा सिमा सुरक्षाका लागि खटिएको सशस्त्र प्रहरीले ठूलो परिमाणको लागुऔषध बरामद गरेको छ ।
बाँकेको कालाबञ्जरा क्षेत्रमा स्थापना गरिएको बिओपीबाट गएको सशस्त्र प्रहरीको गस्ती टोलीले बाँकेको डुडुवा गाउँपालिका-६, भज्जुपुर्वाबाट करीब ८० हजार मूल्य बराबरको ‘वेलसिरेक्स’ नाम गरेको लागुऔषध बरामद गरेको हो ।
सशस्त्र प्रहरी निरीक्षक गोरख सिँह भण्डारीको नेतृत्वमा गएको गस्ती टोलीले २ सय ३५ बोतल ‘वेलसिरेक्स’ लागुऔषध बरामद गरेको सशस्त्र प्रहरीले जनाएको छ । भारतबाट नेपाल तर्फ आईरहेको अवस्थामा सशस्त्र प्रहरीको टोली देखेपछि बोरामा बोकिएको लागुऔषध फालेर तस्कर फरार भएको सशस्त्र प्रहरी निरीक्षक भण्डारीले बताए ।
बरामद गरिएको लागुऔषध आवश्यक अनुसन्धानका लागि नेपाल प्रहरीलाई बुझाइएको उनले बताए ।
प्रतिक्रिया