नेपालगन्ज । सेवाग्राहीसंग ठेक्काको लाईसेन्स बनाईदिने भन्दै घुस लिंदै गरेका घरेलु तथा साना उद्योग कार्यालय बाँकेका सातौ तहका अधिकृत हुकुम बहादुर ओली अख्तियारको फन्दामा परेका छन् । अख्तियार दुरुपयोग अनुसंन्धान आयोग कार्यालय बुटवलको सम्पर्क कार्यालय नेपालगन्जले घरेलु तथा साना उद्योग कार्यालय नेपालगञ्जमा कार्यरत ओलीलाई ९६ हजार ३ सय घुससहित नियन्त्रणमा लिएको हो ।
ओलीलाई घुस लिंदै गरेको अवस्थामा पक्राउ गरिएको अख्तियार दुरुपयोग अनुसंन्धान आयोग बुटवलको सम्पर्क कार्यालय नेपालगञ्जका प्रमुख गणेश गैरेले पुष्टि गरेका छन् ।
अख्तियारको टोलीले घटनास्थलको बरामदी मुचुल्का गरि आवश्यक अनुसंन्धान थालेको छ ।
प्रतिक्रिया