आर्थिक वर्षको पहिलो दिन सेयर बजारमा छलाङ, ३२ अंकले बढ्यो बजार

काठमाडौं । यस आर्थिक वर्षको पहिलो दिन बिहीबार सेयर बजार ३२ अंकले बढेको छ । बैंक तथा वित्तीय संस्थाको शेयरमा लगानीकर्ता आकर्षित भएपछि बजार ३२ अंकले बढेको हो । विहीबार १ अर्ब ३ करोड बढीको कारोबार भएको छ ।

सवैभन्दा धेरै कारोबार हुनेमा पुनर्बीमा कम्पनी रहेको छ । पुनर्बीमाको ९ करोडको कारोबार भएको छ । यस्तै बैंकतर्फ एनएमबी बैंकको ८ करोडको कारोबार भएको छ ।

एनआइसी एसिया बैंक , मेगा बैंक, ग्लोबल आइएमई बैंक, प्रभु बैंक, प्राइम कमर्सियल बैंक, नेपाल बैंक र क्रेडिट एण्ड कमर्स बैंकको पनि धेरै कारोबार भएको छ । यस्तै लघुवित्ततर्फ एनआइसी एसिया लघुवित्तमा सकारात्मक सर्किट लागेको छ । सर्वाधिक गुमाउने कम्पनीमा होटल, जलविद्युत र माइक्रोफाइनान्स कम्पनीहरु रहेका छन्।