कञ्चनपुर । भन्सार छलेर नेपाल भित्राईंदै गरेको १४ लाख बढीको बिभिन्न सामान कञ्चनपुर प्रहरीले बरामद गरेको छ । आज साँझ कञ्चनपुर भिमदत्त नगरपालिका वडा नं. ४ स्थित बजार क्षेत्रबाट भन्सार छली गरी ल्याउदै गरेका सवारी साधन, सवारी साधनमा रहेको सामान र सावारी चालकलाई पक्राउ गरिएको जिल्ला प्रहरी कार्यालय कञ्चनपुरले जनाएको छ ।
म १ च ३२९ र म १ च ३२३ नम्बरका दुईवटा जीपमा कपडा, बिजुलीका सरसमाहरु लगायत १४ लाख९ हजार ९५०मुल्य बराबरका समान प्रहरीले फेला पारेको थियो । बिषेश सुचनाको प्रहरी कार्यालयको चेकिङ टोलिले समान बरामद गरेको प्रहरीले जनाएको छ । प्रहरीका अनुसार बरामद भएको सरसमान, सवारी साधन र चालकहरु लाई आवश्यक कारवाहीको लागि गड्डाचौकी भन्सार कार्यालयमा बुझाईएको ।
प्रतिक्रिया