वीरगंज। २५ किलो चाँदीको गहनासहित भारतबाट नेपाल आउँदै गरेका २ जनालाई बारा प्रहरीले पक्राउ गरेको छ । जिल्ला प्रहरी बाराको टोलीले भारतबाट अवैध रूपमा चाँदीको गहना ल्याउँदै गरेको अवस्थामा उनीहरूलाई पक्राउ गरेको हो।
भारतबाट बाराको मटिअर्वा–कलैया सडकबाट कलैया आउने क्रममा कलैया–११ विश्वम्भरपुर टोल नजिक ना६१प ७२०४ नम्बरको मोटरसाइकल जाँच गर्दा अवैध गहना फेला परेको प्रहरीले जनाएको छ।
पक्राउ पर्नेमा कलैया–५ बस्ने ३२ वर्षीय इन्द्रदेव यादव र बाराको प्रसौनी गाउँपालिका(६ का ३८ वर्षीय वकिल अन्सारी रहेका छन्।
उनीहरुलाई भन्सार ऐन अनुसार आवश्यक कारवाहीको लागि वीरगंज भन्सार पठाइएको बारा प्रहरीका प्रवक्ता डिएसपी गौतम मिश्रले बताए।
प्रतिक्रिया