चितवन । अविरल वर्षाका कारण पहिरो जाँदा मुग्लिन-नाराणघाट सडक अवरुद्ध भएको छ ।
चितवनको ईच्छाकामना गाउँपालिका वडा नं ६ चार किलो नजिकै सोमबार बिहान करिब ५ बजेतिर ठूलो पहिरो खसेपछि सडक अवरुद्ध भएको हो ।
‘पानी लगातार परिरहेको र माथिबाट समेत थप पहिरो खसिरहेकोले आज दिनैभर जस्तो सडक अवरुद्ध हुन सक्ने देखिन्छ’, नारायणघाट- मुग्लिन सडक आयोजनाले जनाएको छ ।
‘आज यो सडक हुँदै यात्रा गर्नुहुने महानुभावहरुले बैकल्पिक सडक प्रयोग गर्न अनुरोध छ’, आयोजनाले सूचना जारी गर्दै भनेको छ ।
निरन्तर पहिरो खसिरहेकोले तत्कालै हटाउन कठिनाइ भइरहेको प्रहरीले जनाएको छ । आफ्नो सवारी साधनलाई सुरक्षित स्थानमा रोकेर सडक सुचारु भएपछि मात्र यात्रा गर्न प्रहरीले अनुरोध गरेको छ । ।
प्रतिक्रिया