बुटवल । प्रदेश ५ ट्राफिक प्रहरी कार्यालय, बुटवलमा कार्यरत ट्राफिक प्रहरीहरुले प्रभातफेरी गर्दै जन समुदायमा कोरोना भाइरस बिरुद्धको सचेतना फैलाएका छन् ।
ट्राफिक प्रहरीले कोभिड १९ बिरुद्धका नारा तथा नागरिकहरुले अपनाउनु पर्ने सचेतनाहरु लेखिएको प्ले कार्ड र ब्यानर बोकेर ट्राफिक प्रहरीले चेतनामुलक ¥याली निकालेको हो ।
समुदाय प्रहरी साझेदारी कार्यक्रम अन्तर्गत बुटवलमा निस्केको ट्राफिक प्रहरीको ¥याली, बुटवल उप(महानगरपालिका राजमार्ग चौराहा देखी ५ नम्बर प्रदेश ट्राफिक प्रहरी कार्यालयसम्म पुगेर समापन गरिएको थियो ।
प्रदेश ट्राफिकमा प्रमुख प्रहरी उपरीक्षक डम्बर बहादुर बि.क सरुवा भएर आए देखिनै प्रदेश ट्राफिकले बिभिन्न गतिबिधि सञ्चालन गर्दै आएको छ । कोभिड १९ बिरुद्ध नागरिकलाई सचेत बनाउनु प्रहरीको कर्तब्य भएको प्रदेश ट्राफिक प्रहरी कार्यालयका प्रवक्ता डिएसपी डिल्ली नारायण पाण्डेयले बताए । उनले नागरिक सचेतनासँगै ट्राफिकले बुटवल उपमहानगरको सडकबाट छाडा चौपाया हटाउने अभियान पनि सुरु गरेको जानकारी दिए ।
प्रदेश ट्राफिकको संयोजनमा भएको ¥यालीमा ईलाका प्रहरी कार्यालय बुटवल अन्तर्गतका नेपाल प्रहरीको पनि सहभागिता रहेको थियो ।
प्रतिक्रिया