१०.१३ अंकले बढ्यो सेयर बजार

काठमाडौं । सोमबारदेखि लगातार घटेको सेयर बजार विहीबार १०.१३ अंकले बढेको छ ।

बढेको बजारमा एक अर्व ३२ करोड भन्दा माथिको कारोबार भएको छ । यस दिन बजार बढ्दा ४ कम्पनीहरुको शेयरमूल्यमा सकारात्मक सर्किट लागेको छ।
बिहीबार कारोबारमा आएको तारगाउँ रिजेन्सी होटल, मिर्मिरे माइक्रोफाइनान्स, ओरियण्टल होटल र कालिका लघुवित्तको शेयरमा सकारात्मक सर्किट लागेको हो।

त्यसैगरी, मिथिला लघुवित्तको शेयरमूल्य करिब साढे ९ प्रतिशत बढेको छ यस्तै एनआइसी एसिया लघुवित्तको सात करोड भन्दा माथिको कारोबार भएको छ ।
यस्तै बिमा तर्फ नेपाल पुर्नविमा कम्पनीको सर्वाधिक एघर करोड भन्दा माथिको कारोवार भएको छ भने नेपाल लाइफ इन्स्योरेन्सको १० करोड भन्दा माथिको कारोबार भएको छ ।

कारोबारमा आएका १२ उपसमूहमध्ये १० उपसमूहको परिसूचक बढेको छ भने दुई उपसमूहको परिसूचक घटेको छ। यस दिन होटल र निर्जीवन बीमा उपसमूहको परिसूचक २ प्रतिशतभन्दा बढी बढेको छ भने लघुवित्त र जीवन बीमा उपसमूहको परिसूचक १ प्रतिशतभन्दा बढी बढेको छ।