बुटवल । प्रदेश ५ को राजधानी बुटवलमा केन्द्रीय कार्यालय रहेको तिनाउ मिसन डेभलपमेन्ट बैंकले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ।
बैंकले गत आर्थिक वर्षको अन्त्यसम्ममा १९ करोड ६८ लाख रुपैयाँ खुद नाफा कमाएको छ। अघिल्लो आर्थिक वर्षको सोही अवधिको तुलनामा ३८२.८९ प्रतिशत बढी हो। बैंकले अघिल्लो आर्थिक वर्षमा बैंकले ४ करोड ७ लाख रुपैयाँ खुद नाफा कमाएको थियो। बैंकको वित्तीय विवरण अनुसार बैकलाई कोरोना भाइरसको असर नपरेको बुभिन्छ ।
यस्तै बैंकको खुद ब्याज आम्दानी ६५ करोड ३० लाख पुगेको छ भने सञ्चालन मुनाफा १५ करोड ५४ लाख रुपैयाँ बढेर २८ करोड पुगेको छ। असार मसान्तसम्म बैंकको वितरण योग्य मुनाफा ११ करोड २९ लाख रुपैयाँ रहेको छ।
नाफा सँगै बैंकको प्रतिशेयर आम्दानी पनि बढेको छ। अघिल्लो आर्थिक वर्ष ७ रुपैयाँ १६ पैसा रहेको बैंकको प्रतिशेयर आम्दानी गत आर्थिक वर्ष बढेर १० रुपैयाँ ८५ पैसा भएको छ। बैंकको प्रतिशेयर नेटवर्थ १२२ रुपैयाँ ८६ पैसा रहेको छ भने मूल्य आम्दानी अनुपात १३१२ गुणा रहेको छ।
बैंकको चुक्ता पूँजी १ अर्ब ८१ करोड ३१ लाख रहेको छ । यस्तै बैंकको जगेडा कोषमा २९ करोड ४२ लाख रुपैयाँ र शेयरधनी कोषमा १२ करोड ३ लाख रुपैयाँ सञ्चित छ।
प्रतिक्रिया