काठमाडौं । पछिल्लो २४ घण्टामा १३९ जना नयाँ संक्रमित थपिएका छन् ।
सक्रिय संक्रमितको संख्या ४ हजार ९५० रहेको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले बताए ।
मन्त्रालयका अनुसार दैलेखमा २८ जना, सप्तरीमा २१ जना र पर्सामा २० जनामा कोरोना देखिएको छ ।
यस्तै, धनुषा र महोत्तरीमा १०/१०, बैतडीमा, काठमाडौं, ललितपुर र कास्कीमा ३/३ जना, सल्याानमा २ जनामा संक्रमण देखिएको छ ।
यस्तै, सिराहा, काभ्रे, बाँके, रुपन्देही र सुर्खेतका एकएक जनामा संक्रमण देखिएको छ ।
हालसम्म डिस्चार्ज हुनेको संख्या १३ हजार ७५४ रहेको छ । पछिल्लो २४ घण्टामा ६२६ जना डिस्चार्ज भएका छन् ।
कोभिड-१९ बाट निको हुनेको दल ७३ दशमलव ३५ प्रतिशत रहेको प्रवक्ता गौतमले जानकारी दिए ।
देशभरका विभिन्न क्वारेन्टिनमा अहिले १६ हजार ३७९ जना रहेका छन् ।
हालसम्म समुदायस्तरमा कोरोना नफैलिएको प्रवक्ता गौतमले जनाए ।
प्रतिक्रिया