सुनको मूल्य अहिलेसम्मकै उच्च, प्रतितोला ९८ हजार २ सय पुग्यो

काठमाडौं । नेपालसहित विश्वबजारमा निरन्तर बढीरहेको सुनचाँदीको मूल्यले मंगलबार नयाँ रेकर्ड बनाएको छ । मंगलबार एकैदिन तोलामा ७ सय बढेको सुनको मूल्यले नेपाली बजारमा नयाँ रेकर्ड बनाएको हो ।

आज छापावाल सुनको मूल्य तोलामा ९८ हजार २०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यस्तै तेजाबी सुन प्रतितोला ९७ हजार ७ सय ६० र चाँदी प्रतितोला १ हजार २ सय ४५ रुपैँयामा कारोबार भइरहेको छ ।

सोमबार सुनको मूल्य तोलामा ९७ हजार ५०० रुपैयाँमा कारोबार भएको थियो । यस्तै आज तेजावी सुन तोलामा ९७ हजार ७६० रुपैयाँमा कारोबार भएका छ भने चाँदी १२ सय ४५ रुपैयाँमा कारोबार भएको छ । यसअघि सोमबार चाँदी १२१० रुपैयाँ प्रतितोलामा कारोबार भएको थियो ।

कोरोना महामारीले आर्थव्यवस्था चलायमान हुन नसकेको समयमा विश्वमा नै सुनचाँदीको मूल्य आकासिएको छ ।