१६ चैत्र २०८०, शुक्रबार | March 29, 2024

ई–लर्निङबारे प्याब्सनले निराधार आक्षेप लगाएको भन्दै नेपाल टेलिकमको आपत्ति



काठमाडौं । निजी तथा आवासीय विद्यालय अर्गनाइजेशन नेपाल प्याब्सनद्वारा नेपाल टेलिकमलाई दोषारोपण गर्ने गरी ई–लर्निङबारे परिपत्र गरेको भन्दै टेलिकमले आपत्ति जनाएको छ ।

नेपाल टेलिकमका प्रवक्ता राजेश जोशीले आइतबार विज्ञप्ति जारी गर्दै प्याब्सनले टेलिकमलाई बद्नाम गर्नेगरी ‘ई–लर्निङको प्याकेज सुविधा सम्बन्धमा’  जारी गरेको पत्र साउन १५ गते वेवसाईटमा राखेको भन्दै आपत्ति जनाएका छन् ।

ई–लर्निङबारे प्याब्सनसँग सकारात्मक छलफल अघि बढिरहेको समयमा गैरजिम्मेवार रुपले कम्पनीलाई दोषारोपण गर्ने शब्दावली सहितको उक्त परिपत्रप्रति कम्पनीको ध्यानाकर्षण भएको जनाउँदै टेलिकमले आक्षेपयुक्त शब्दावलीप्रति असहमति जनाएको छ ।

प्रवक्ता जोशीले विज्ञप्तिमा भनेका छन्, ‘आफू अनुकुल कुनैपनि संस्थासँग सम्झौता गर्ने संगठनको अधिकारप्रति नेपाल टेलिकमको विमती नरहेता पनि कम्पनीलाई लक्षित गरी आक्षेपयुक्त भाव झल्कने शब्दावलीको प्रयोगप्रति कम्पनी असहमति व्यक्त गर्दछ ।’

प्याब्सनसँग कम्पनीले उपलब्ध गराइरहेको ई–शिक्षा प्याकेजबारे विभिन्न चरणमा छलफल भएको टेलिकमले जनाएको छ । ई–शिक्षा प्याकेजसम्बन्धी विवरण प्याब्सनले आफ्नो वेबसाइटमा समेत प्रकाशित गरेको र अनलाइन शिक्षाको लागि मात्र उपयोगी हुने डाटा प्याकेज सम्बन्धमा पनि कम्पनी सकारात्मक भई थप छलफल भइरहेको पनि टेलिकमले जनाएको छ ।

तर, छलफल बमोजिम नै कम्पनीले सेवा उपलब्ध गराउने तयारी अन्तिम चरणमा पुर्याइसकेको अवस्थामा प्याब्सनले दोषारोपणसहितको परिपत्र जारी गरेको भन्दै टेलिकमले असहमति जनाएको हो ।

ग्राहकवर्ग अनलाइन अध्ययनका लागि पहल गरी प्रतिबद्ध रहेका शैक्षिक संस्था तथा विद्यार्थीप्रति आभार व्यक्त गर्दै टेलिकमले जस्तोसुकै विषम परिस्थितिमा पनि कम्पनीले आफ्ना सेवासुविधाहरु सदा झैं जिम्मेवारीपूर्वक उपलब्ध गराइरहने प्रतिबद्धता समेत जनाएको छ ।

अनलाईन अध्ययनका लागि उपलब्ध विभिन्न प्रकारका एप्लिकेसनहरुमध्ये नेपाल टेलिकमले विद्यार्थी र शिक्षकमाझ लोकप्रिय रहेका जुनसुकै एप्लिकेसनहरु उपयोग गर्न सकिने गरी पाँचसय रुपैयाँमा १८ जिबी डाटा ई–शिक्षा प्याकेजमार्फत उपलब्ध गराइरहेको छ ।

प्रकाशित मिति : १८ श्रावण २०७७, आइतबार  ६ : २९ बजे

तिब्बतमा सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह

ल्हासा । उपप्रधान एवं परराष्ट्रमन्त्री नारायणकाजी श्रेष्ठले नेपाल– चीन सीमा

चैत २३ र २४ गते लुम्बिनीमा अन्तर्राष्ट्रिय शान्ति मेला

काठमाडौं । विश्व सम्पदा सूचीमा सूचीकृत लुम्बिनीको पर्यटन प्रवर्द्धनका लागि

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर