सिन्धुपाल्चोकको मेलम्चीमा पहिरोले पुरिँदा ८ जना वेपत्ता

काठमाडौं । सिन्धुपाल्चोकको मेलम्चीमा पहिरोले पुरिएर ८ जना वेपत्ता भएका छन् ।

मेलम्ची नगरपालिका–११ मा गएराति करिब २ बजेतिर गएको पहिरोले पुरिएर ८ जना वेपत्ता भएको इलाका प्रहरी कार्यालय मेलम्चीका प्रहरी निरीक्षक फलबहादुर तामाङले बताए ।

३ बजेतिर घटनास्थलमा पुगेको प्रहरीले एक जनालाई प्रहरीले उद्दार गरेको छ । उनको उपचारका लागि स्थानीय प्राथमिक केन्द्रमा पठाइएको प्रहरी निरीक्षक फलबहादुर तामाङले बताए ।

वेपत्ता हुनेमा नगरपालिकाको कभर्ड हल निर्माणमा मजदुरहरु रहेका छन् ।

पुरिएका ८ जनालाई अहिलेसम्म पनि पहिरोबाट निकाल्न सकिएको छैन । उनीहरुको खोजीकार्य जारी रहेको छ ।

नेपाली सेना, नेपाल प्रहरी र सशस्त्र प्रहरीले बेपत्ताको खोजी जारी राखेका छन् ।

निर्माणाधीन कभर्डहल प्रदेश सरकारको सहयोगमा बन्न लागेको हो ।