१६ चैत्र २०८०, शुक्रबार | March 29, 2024

पुनः लकडाउनबारे सुझाव लिन प्रधानमन्त्रीबाट जनस्वास्थ्यविज्ञहरुसँग छलफल प्रारम्भ



काठमाडौं । कोरोना भाइरसको संक्रमण दिन दिनै बढ्न थालेपछि प्रधानमन्त्री केपी शर्मा ओलीले जनस्वास्थ्य विज्ञहरुसँग छलफल प्रारम्भ गरेका छन् ।

प्रधानमन्त्री ओलीले कोरोनाको संभावित थप संक्रमण रोकथामबारे छलफल सुरु गरेका हुन् ।

ओलीले प्रधानमन्त्री निवास बालुवाटारमा २० जना भन्दा बढी विज्ञहरुसँग छलफल गरिरहेका छन् । निरन्तर कोरोन भाइरसको संक्रमण बढिरहेकाले पुनः लकडाउन लगाउनुपर्ने भन्ने आवाज पनि उठ्न थालेपछि प्रधानमन्त्रीले छलफल थालेका हुन् ।

चैत ११ गतेदेखि लगाएको लकडाउन आम जनजीवन र आर्थिक गतिविधि कष्टकर बन्दै गएपछि साउन ७ गतेदेखि अन्त्यभएको थियो । तर, विद्यालय, कलेज, पार्टीप्यालेज, जिमखाना, सैलुन लगायतका केही क्षेत्र भने अझै पनि खोल्न रोक लगाइएको छ । यद्यपी, जतासुकै सैलुनदेखि जिमखानासम्म सुचारु भैसकेका छन् ।

लकडाउन खोलेपछि संक्रमण दर झन बढ्दै गएपछि प्रधानमन्त्रीले पुनः लकडाउन लगाउनुपर्ने या नपर्ने भन्नेबारेमा निस्कर्षमा पुग्न विज्ञहरुसँग छलफल गरेका हुन् ।

धेरै ठाउँमा कतै पनि नहिँडेका मानिसमा समेत कोरोना संक्रमण देखिन थालेपछि जनस्वास्थ्य विद्हरुले समुदाय संक्रमणको चेतावनी दिइरहेका छन् ।

पर्सा, धनुषा, सप्तरी, बाँके लगायत तराईका विभिन्न जिल्ला र काठमाडौं उपत्यकामा कोरोनाको संक्रमण बढिरहेको छ । कतिपय जिल्लाहरुले आआफ्नै ढंगले निश्चित समयसम्म निषेधाज्ञा जारी गर्दै लकडाउन सुरु गरिसकेका छन् ।

सरकारले गम्भीरतापूर्वक तयार नगरे स्थिति झन भयावह हुनसक्ने चेतावनी दिएका छन् । विश्व स्वास्थ्य संगठनले नेपालमा संक्रमण बढेकोमा चिन्ता व्यक्त गर्दै अनिवार्य मास्क लगाउन र सामाजिक दूरी कायम गर्न अपील गरिसकेको छ ।

प्रकाशित मिति : २० श्रावण २०७७, मंगलबार  १२ : ०१ बजे

तिब्बतमा सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह

ल्हासा । उपप्रधान एवं परराष्ट्रमन्त्री नारायणकाजी श्रेष्ठले नेपाल– चीन सीमा

चैत २३ र २४ गते लुम्बिनीमा अन्तर्राष्ट्रिय शान्ति मेला

काठमाडौं । विश्व सम्पदा सूचीमा सूचीकृत लुम्बिनीको पर्यटन प्रवर्द्धनका लागि

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर