१६ चैत्र २०८०, शुक्रबार | March 29, 2024

नेवाः समुदायले आज देशैभर पितृ सम्झने पर्व सापारु मनाउँदै (फोटो फिचर)



बुटवल । आज गाईजात्रा । जनै पुर्णिमाको भोलिपल्ट पर्ने गाईजात्रा पर्व आम हिन्दु धर्मालम्बिहरुले ब्यङ्ग्य गर्ने पर्वकारुपमा मनाएपनि नेपालमा नेवार समुदायले भने आफ्नो पितृलाई सम्झने पर्वकारुपमा मनाउने गर्दछन् । गाईजात्रालाई नेवार समुदायमा सापारु भन्ने गरिन्छ ।

सापारु पर्व गाइजात्रा काठमाडौं उपत्यका लगायत देशको विभिन्न स्थानमा धुमधामका साथ मनाउने गरिन्छ । सापारु पर्वलाई नेपाली समाजमा गाईजात्रा भनेर चिनिन्छ । सापारु नेवाः समुदायको मौलिक पर्व हो ।

यो पर्वलाई नेपाली समाजको एक महत्वपूर्ण पर्वको रुपमा लिइन्छ । नेपाली समाजमा सापारु (गाईजात्रा) पर्वलाई व्यङ्ग्य गर्ने दिनको रूपमा समेत लिने गरिएपनि नेवाः समुदायमा पितृगणको सम्झनामा गाईको रूप धारण गरी टोलटोल घुमेर यो पर्व मनाउने चलन छ । यो पर्व नेपाल सम्वत अनुसार गुंलागाःपारु अर्थात जनैपूर्णिमाको भोलिपल्ट पर्दछ ।

नेवाः समुदाय रहेका विभिन्न ठाउँमा सोहि वर्षभित्र मरेको मान्छेको दिवंगत आफन्तको सम्झनामा मनाईने यस पर्वले धार्मिक, सांस्कृतिक तथा ऐतिहासिक महत्व बोकेको छ ।

जुन घरमा मान्छे मरेको छ त्यस घरमा पूजा गरी पहेलो वा सेतो कपडा लगाई साना बच्चा वा ठूलो मान्छेलाई नै विभन्न रुपमा (साया वनेगु) बनाई नगर तथा टोल परिक्रमाको लागि निकाल्ने गरिन्छ । दिवंङ्गत भएका आफन्तको सम्झनामा सापारुमा सहभागी भएकालाई श्रद्धालुहरुले दूध खुवाउने फलफूल, रोटी, चिउरा साथै द्रव्य दान गर्ने चलन रहेको छ ।

यसरी दान गर्नाले मृत व्यक्तिले पाउने धार्मिक विश्वास रहँदै आएको छ । घरबाट ल्याएका फलफूल, रोटी, चिउरा, द्रव्य दान नगरी घर फर्कन नपाइने र घर फर्किदा घर पस्ने बेलामा विभिन्न पूजा गरी सकेपछि मात्र प्रवेस पाउने परम्परा रहेको छ ।

घरका सदस्यको मृत्यु भएको वर्षभरी शोकको वर्ष हुने भएको हुँदा उनीहरुको सम्झनामा कतै गाईको आकृति, कतै देबीदेवताको आकृति त कतै बिभिन्न जात्रा प्रकृतिको नाचहरु प्रदर्शन गरि शोकमा रहेको घर परिवारलाई सान्त्वना प्रदान गर्ने गरिन्छ । उपत्यकामा सरकारले सार्वजानिक बिदा दिएपनि अन्य क्षेत्रमा भने सरकारले बिदा दिएको छैन ।

नेपालका नेवाः समुदाय बाहुल्यता रहेका सबै शहरहरुमा सापारु निकलिएको छ । अघिल्ला वर्षहरुमा टाढाटाढाबाट नाता कुतुम्बहरुको जमघट हुने गरेपनि कोरोना भाइरसका कारण यस वर्ष भने सापारुमाम कम चहलपहल देखिएको थियो ।

फोटो फिचर

 

 

प्रकाशित मिति : २० श्रावण २०७७, मंगलबार  २ : ११ बजे

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले

महिला सशक्तिकरणको मुख्य आधार आर्थिक सवलीकरण हो : प्रधानमन्त्री प्रचण्ड

काठमाडौं ।। प्रधानमन्त्री पुष्पकमल दाहाल ‘प्रचण्ड’ले महिला सशक्तिकरणको सबैभन्दा प्रमुख

जीर्ण महोत्तरी कारागारको तत्काल जीर्णोद्धार थाल्न सुझाव

महोत्तरी । महोत्तरी कारागार जीर्ण भएको छ । सङ्घीय संसद्को