काठमाडौं । संघीय संसदको माथिल्लो सदन राष्ट्रिय सभाका समितिहरुको निर्वाचन निर्विरोध सम्पन्न भएको छ ।
शुक्रबार भएको निर्वाचनमा राष्ट्रिय सभाका चार वटा समितिका सभापतिहरु निर्विरोध निर्वाचित भएका छन् । चारै वटा सभापतिमा पुरानै अनुहार दोहोरिएका छन् ।
जसअनुसार, प्रत्यायोजित व्यवस्थापन तथा सरकारी आश्वासन समितिमा रामनारायण विडारी, निर्वाचनबाट दिगो विकास तथा सुशासन समितिमा तारादेवी भट्ट निर्वाचित भएका छन् ।
यसैगरी राष्ट्रिय सरोकार तथा समन्वय समितिमा दिलकुमारी रावल थापा (पार्वती) र विधायन व्यवस्थापन समितिमा परशुराम मेघी गुरुङ निर्वाचित भएको संसद सचिवालयले जनाएको छ ।
चार समितिमध्ये दीगो विकास तथा सुशासन समिति सभापति भट्ट प्रमुख प्रतिपक्षी दल नेपाली काँग्रेसका सांसद हुन। अरु तीन सभापतिहरु सत्तारुढ नेकपाका सांसदहरु हुन् ।
राष्ट्रिय सभामा दुई वर्षे कार्यकाल भएका १९ जना सांसदका लागि पुनः निर्वाचन भएपछि समितिका सभापतिहरुको पनि पुनः निर्वाचन भएको हो ।
प्रतिक्रिया