देशभर कोरोना संक्रमितको संख्या दिनदिनै बढ्दै; शुक्रबार थपिए ४६४ जना, काठमाडौं उपत्यकामा मात्रै १०६ जना

काठमाडौं । शुक्रबार देशभर ४६४ जना संक्रमित थपिएका छन् ।

७ हजार ९२६ जनामा गरिएको पीसीआर परीक्षणमा जना ४६४ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

काठमाडौं उपत्यकामा मात्रै १०२ जना संक्रमित थपिएा छन् । जसमध्ये काठमाडौंमा ९२ जना रहेका छन् । ललितपुरमा १० जना र भक्तपुरमा ४ जना संक्रमित थपिएको मन्त्रालयका प्रवक्ता प्राडा. जागेश्वर गौतमले जानकारी दिए ।

देशभर सक्रिय संक्रमितको संख्या ६ हजार ३३० रहेको मन्त्रालयका प्रवक्ता प्राडा. जागेश्वर गौतमले बताए ।

पछिल्लो २४ घण्टामा ४२५ जना संक्रमित निको भएर घर फर्किएका छन् । हालसम्म १५ हजार ११४ जना घर फर्किएका छन् ।

अहिले पनि देशभर क्वारेन्टिनमा रहेकाहरुको संख्या १० हजार २०७ रहेको छ ।