नेपालगन्ज । ज्यान मार्ने उद्योग अन्तर्गत अदालतबाट कैद सजाय सुनाईए पछि फरार रहेका एकजनालाई बाँके प्रहरीलेले पक्राउ गरेको छ ।
२०७२ सालमा भएको फैसला पछि लगातार फरार रहेका बाँकेको डुडुवा गाँउपालिका ५ दलैपुरका २२ वर्षिय रोमन क्षेत्रीलाई पक्राउ गरीएको जिप्रका बाँकेका प्रवक्ता तथा प्रहरी नायक उपरिक्षक सुवास खड्काले जानकारी दिएका छन् ।
२०७२ साल भदौ ५ गते जिल्ला अदालत बाँकेले ५ बर्षको कैद सजाए सुनाए लगत्तै क्षेत्री फरार भएका थिए । सोही घटनामा संलग्न डुडुवा गाँउपालिका ५ दलैपुरका त्रानु बोहोरा र भिम बहादुर विकलाई भने प्रहरीले फैसला भएलगत्तै पक्राउ गरेको थियो । घटनामा संलग्न रोमन क्षेत्री, ललित क्षेत्री र देब बहादुर बुढा क्षेत्री फरार भएका थिए । जसमध्ये प्रहरीले रोमन क्षेत्रीलाई नियन्त्रणमा लिएर जिल्ला अदालत बाँकेमा बुझाएको छ भने ललित क्षेत्री र देब बहादुर बुढा क्षेत्री अझै फरार छन् । बोहोरा र विकले आफ्नो सजाय पुरा गरी रिहा भईसकेका छन् ।
बाँके प्रहरीले बिभिन्न मितिमा सजाँयको फस्ला भई फरार रहेका ब्यक्तिहरुको खोजि अभियानलाई तिब्र बनाएको छ ।
प्रतिक्रिया