थपिए पर्सामा ५५ नयाँ संक्रमित, नगरप्रमुख देखि ल्याव टेक्निसियन सम्ममा संक्रमण पुष्टि

खबरकुरा संवाददाता

२४ श्रावण २०७७, शनिबार

वीरगञ्ज । पर्सामा एउटा नगरपालिकाका प्रमुखसहित ५५ जनामा कोरोना भाइरसको संक्रमण देखिएको छ । नारायणी अस्पतालको प्रयोगशालामा गरिएको पीसीआर परीक्षणको रिपोर्टमा जिल्लाको बहुदरमाइ नगरपालिकाका प्रमुख नितेन्द्र साहसहित ५५ जनामा कोरोना पुष्टि भएको हो ।

संक्रमित मध्य ८ महिला र ४७ पुरुषमा कोरोना पुष्टि भएको छ । संक्रमित पुष्टि हुनेमा बाराका तीनजना र सर्लाहीका एकजनासमेत रहेका छन् । नेपाली सेनाका जवान, ल्याब टेक्निसियन र कर्मचारीमा समेत संक्रमण पुष्टि भएको स्वास्थ्य कार्यालय पर्साले जनाएको छ ।