एकै टोलमा ८ संक्रमित भेटिएपछि हाँडीगाउँ गहनापोखरी क्षेत्र सिल

काठमाडौं । एउटै टोलमा कोरोना भाइरसको संक्रमण धेरै जनामा देखिएपछि काठमाडौंको गहनापोखरी–हाँडीगाउँ क्षेत्र सिल गरिएको छ ।

हाँडीगाउँको कोटल टोलमा ८ जना संक्रमित फेला परेपछि काठमाडौं महानगरापालिकाले त्यस क्षेत्रलाई सिल गरेको हो ।

त्यहाँ नेपाल प्रहरीका एक कर्मचारी र उनको परिवार र घरधनीमा संक्रमण देखिएको छ ।

एक जना प्रहरी कर्मचारीमा कोरोना संक्रमण पुष्टि भएपछि उनीहरुको परिवार र घरधनीको समेत स्वाव परीक्षण गर्दा कोरोना देखिएपछि टोललाई नै सिल गरिएको काठमाडौं महानगरपालिका वडा नं. ५ का वडा अध्यक्ष रमेश डंगोलले बताए ।

प्रहरी टोली नै तैनाथ गरी अहिले सो क्षेत्रमा आवागमनसमेत बन्द गरिएको छ ।