भारतको केरालास्थित कोझिकोडमा भएको जहाज दुर्घटनामा मृत्यु भएका मध्ये एक जनालाई कोरोना संक्रमण पुष्टि भएको छ ।
जहाज दुर्घटनामा मृत्यु भएका १८ मध्ये एक जनामा कोरोना भाइरसको संक्रमण रहेको केराला सरकारका मन्त्री केटी जलिलले बीबीसीलाई बताएका छन् ।
मृतक १८ जनाको कोरोना कोरोना टेष्ट गरिएकोमा ८ जनाको रिपोर्ट आएको र त्यसमध्ये एक जनामा कोरोना पुष्टि भएको मन्त्री जलिलले बताए ।
अर्को एक जनामा पनि कोरोना भएको आंशका गरिएको छ । सबै परीक्षणको नतिजा कुरिरहेको उनले बताए ।
पुलिस जाँच सकिएपछि जहाजमा रहेका सबै जनाको कोरोना परीक्षण हुने पनि मन्त्री जलिले बताए ।
यसैबीच केरलाका स्वास्थ्यमन्त्री केके शैलजाले उद्दारकर्मीहरुलाई क्वारेन्टिनमा जान आग्रह गरेकी छिन् । उद्दारकर्मीहरुले गए राति भएको जहाज दुर्घटना पछि कोरोना महामारीसम्बन्धी सबै सुरक्षा मापदण्डलाई तोड्दै उद्दारमा खटिएका थिए ।
जहाज दुर्घटनाग्रस्त भएपछि ठूलो संख्यामा स्थानीयबासि, एयरपोर्ट स्टाफ, स्वयंसेवी, स्वास्थ्यकर्मी, फायर फाइटर, सुरक्षाकर्मी, अधिकारी एवं संचारकर्मी उपस्थित भएका थिए ।
कुनै झुठो अफवाह नफैलाइकन सबै उद्दारकर्मीहरुलाई सेल्फ क्वारिन्टनमा जानको लागि मन्त्री शैलजाले आग्रह गरेकी हुन् । उनले क्वारेन्टिनमा सबै जना अनिवार्य बस्नुपर्ने बताइएन ।
दुवईबाट १९० जना यात्रु र क्याविनक्रुसहित आएको एयर इन्डियाको जहाज शनिबार साँझ केरलाको कोकिझोड विमानस्थलमा दुर्घटनाग्रस्त भएको थियो ।
प्रतिक्रिया