भारतले दियो नेपाली सेनालाई १० थान भेन्टिलेटर

खबर कुरा
२५ श्रावण २०७७, आईतवार
                 

काठमाडौं । भारत सरकारले नेपाली सेनालाई १० थान भेन्टिलेटर उपलब्ध गराएको छ । नेपाली सेनाको जंगी अड्डामा आयोजित एक कार्यक्रमका बीच भारतिय राजदुत विनय मोहन क्वात्राले नेपाली सेनाका प्रधानसेनापति पूर्णचन्द्र थापालाई दश थान भेन्टिलेटर गरेका थिए ।

नेपाल सरकारले जारी गरेको कोभिड-१९ महामारी रोकथाम, प्रतिकार्य र नियन्त्रणको लागि ‘कोभिड-१९ प्रतिकार्य राष्ट्रिय अभियान योजना २०७७’ सफल बनाउन भारत सरकारले १० थान भेन्टिलेटर उपलब्ध गराएको नेपाली सेनाले जनाएको छ । भारत सरकारबाट आईपुगेका भेन्टिलेटर लिएर भारतीय राजदुत क्वात्रा नेपाली सेनाको जंगी अड्डा पुगेका थिए । भारतले उपलब्ध गराएको भेन्टिलेटरको मुल्य २ करोड ८० लाख भारतीय रुपैयाँ वराबरको रहेको नेपाली सेनाले जनाएको छ ।

भारत सरकारले पठाएको भेन्टिलेटर बुझ्दै प्रधानसेनापति थापाले मित्रराष्ट्र भारतको सहयोग प्रति धन्यवाद प्रकट गरेका थिए ।

यसमा तपाइको मत

Your email address will not be published. Required fields are marked *


*