वीरगन्ज । कोरोना भाइरसको संक्रमणको कारण वीरगन्जमा थप जनाको मृत्यु भएको छ।
वीरगञ्ज महानगरपालिका–१५ भेडियाही बस्ने ४५ वर्षीया महिलाको कोरोना संक्रमणको कारण मृत्यु भएको हो। नारायणी कोरोना विशेष अस्पताल गण्डकमा उपचारको क्रममा शनिबार राति ती महिलाको मृत्यु भएको थियो ।
मृत्युपछि गरिएको पीसीआर परीक्षणमा कोरोना रिपोर्ट पोजेटिभ आएको थियो ।
उच्च रक्तचाप र थाइराइडको बिरामी रहेकी ती महिलालाई श्वासप्रश्वासमा समस्या आएपछि अस्पतालमा भर्ना गरिएको थियो । तर, गम्भिर अवस्थामा अस्पताल ल्याइएकाले विरामीलाई बचाउन नसकिएको अस्पतालका संयोजक डा. उदयनारायण सिंहले बताए ।
यससँगै पर्सामा कोरोना संक्रमणबाट मृत्यु हुनेको संख्या १८ पुगेको छ ।
पर्साका कुनै पनि अस्पतालले कोरोनाको जस्तो लक्षण देखिएका बिरामीहरुलाई भर्ना नगर्ने प्रवति बढेका कारण धेरै बिरामीले अन्तिम अवस्थमा मात्र कोरोना विशेष अस्प्ताल पुगि ज्यान गुमाउन थालेका छन् ।
समुदायमै कोरोना संक्रमण फैलिएपछि वीरगन्ज महानगरमा विगत दुई सातादेखि निषेधाज्ञा जारी छ । तर, गम्भीर अवस्थाका कोरोना संक्रमितको संख्या भने घट्न सकेको छैन ।
प्रतिक्रिया