काठमाडौं । लिवर्टी ईनर्जी कम्पनी लिमिटेडले सर्वसाधारणका लागि आइपीओ जारी गर्ने भएको छ । कम्पनीले भदौ ३ गतेदेखि सर्वसाधारणका लागि ३५ लाख ६४ हजार ९३० कित्ता आइपीओ जारी गर्ने भएको हो।
प्रतिशेयर १०० अंकितका दरले ३७ करोड ५० लाख बराबरको ३७ लाख ५० हजार कित्ता सेयर जारी गर्न लागेको कम्पनीले जनाएको छ । कम्पनीले स्थानिय बासिन्दाहरुको लागि निष्काशन गरि बाँडफाँट नभएको १३ लाख १५ हजार ९३० कित्ता समेत जोडेर सेयर जारी गर्न लागेको हो ।
आवेदनकर्ताले प्रतिकित्ता १०० अंकितका दरले न्यूनतम १० कित्ता र अधिकतम १० हजार कित्ताका लागि आवेदन दिन सक्नेछन्। सेयर निष्काशन बन्द छिटोमा भदौ ७ गते हुनेछ भने ढिलोमा भदौ १७ गते हुनेछ।
कम्पनीको आईपीओलाई रेटिङ्ग एजेन्सी इक्रा नेपालले ‘इक्रा एनपी आईपीओ ग्रेड ४’ रेटिङ्ग प्राप्त गरेको छ। यसले कम्पनीको आधारभूत पक्ष औषतभन्दा कमजोर रहको देखाउँछ ।
यस्तै कम्पनीको निर्माण अवधिको ब्याजसहित प्रति मेगावाट १८ करोड ५४ लाख ४३ हजार ८३७ रुपैयाँ लागत रहेको छ। त्यसैगरी, कुल अनुमानित लागत ४ अर्ब ६३ करोड ६० लाख ९५ हजार ९२१ रुपैयाँ ७२ पैसा रहेको कम्पनीले जनाएको छ। कम्पनीको विद्युत उत्पादन अनुमतिपत्र बहाल रहने अवधि ३० वर्ष रहेको छ।
कम्पनीले बिक्री प्रबन्धक एनआईबिएल एस क्यापिटल लिमिटेड तोकेको छ।
प्रतिक्रिया