एजेन्सी । बलिउड अभिनेता सञ्जय दत्तलाई फोक्सोको क्यान्सर भएको छ । क्यान्सर भएको पुष्टि भएसँगै उनी उपचारका लागि अमेरिका प्रस्थान गरेका छन् ।
डाक्टरहरुका अनुसार उनको क्यान्सर चौथो चरणमा पुगिसकेको छ ।
श्वासप्रश्वासमा समस्या आएपछि गत शनिबार उपचारका लागि उनी मुम्बईस्थित लीलावती अस्पतालमा अस्पताल भर्ना भएका थिए । सोमबार उनले अस्पतालबाट डिस्चार्ज लिएका छन् र थप उपचारका लागि अमेरिका जाने बताएका छन ।
दत्तको शरीरमा अक्सिजनको मात्रा ९० देखि ९२ प्रतिशतकोबीचमा तल, माथि भएको हिन्दुस्तान टाइम्सको समाचारमा उल्लेख छ । परीक्षणमा उनको छातीमा तरल पदार्थ पाइएको थियो भने कोरोना परीक्षणमा नेगेटिभ रिपोर्ट आएको थियो ।
मंगलबार उनले आफूलाई के भएको उल्लेख नगरी केही समय उपचार गर्न कामबाट छुट्टी लिन लागेको जानकारी दिएका थिए । संजयकी आमा नरगिस दत्त र उनकी पहिलो पत्नि ऋचा शर्माको पनि क्यान्सरबाटै मृत्यु भएको हिन्दुस्तान डट कमले जनाएको छ ।
प्रतिक्रिया